Панядзелак, 07 Май 2018

Віцяблянка Натальля Шарыпа ад імя “Маці 328” просіць падтрымкі і патрабуе адстаўкі Шуневіча

Ацаніць гэты матэрыял
(4 галасоў)
Натальля Шарыпа Натальля Шарыпа

Маці асуджанага на 14 гадоў паводле арт. 328 КК РБ віцяблянка Натальля Шарыпа зьвярнулася да народу Беларусі з просьбай падтрымаць патрабаваньні галадоўніц “Матчынага Руху 328” аб амністыі асуджаных, правядзеньні судовай рэформы і адстаўцы міністра ўнутраных спраў Ігара Шуневіча.

7 траўня заканчваюцца 11-я суткі галадоўкі актывістак “Матчынага Руху 328” у Калінкавічах і Пухавіцкім раёне (вёска Востраў). Галадоўніцы – больш за 10 жанчын – патрабуюць сустрэчы з Лукашэнкам. Віцяблянка Натальля Шарыпа пачала галадаць 3 мая, але праз тры дні паведаміла, што спыніла пасіўны пратэст на карысьць больш актыўных дзеяньняў. У панядзелак 7 траўня яна выступіла са зваротам да народу.

“Мы ўжо не гаворым, а крычым!..”

У звароце Натальля кажа пра тое, што “маці асуджаных па арт. 328 пайшлі на крайнія захады не дзеля калецтва і не дзеля піяру якой-небудзь партыі ці руху”: “Мы далёкія ад палітыкі. Але абсалютна дакладна тое, што нам блізкія такія паняткі, як праўда і справядлівасьць. І мы ўжо не гаворым, а крычым пра парушэньні менавіта правапрымяняльнай практыкі”.

“Сёньня склаліся такія абставіны, калі мы вымушаныя шукаць спосабы абароны ад міліцыі”, – кажа Натальля Шарыпа.

“Патрабуем зьняць з пасады міністра ўнутраных спраў Ігара Шуневіча за дапушчанае беззаконьне. Просім вас падтрымаць ініцыятыву маці аб правядзеньні амністыі для ўсіх асуджаных, неадкладных зьменаў у заканадаўстве і правядзеньня судовай рэформы”, – заклікае жанчына.

На якой падставе праслухоўваецца тэлефон?

Натальля Шарыпа расказала таксама, што накіравала на імя начальніка УУС Віцебскага аблвыканкаму Івана Кубракова, начальніка ўпраўленьня КДБ па Віцебскай вобласьці Сяргея Феакцістава і дырэктара віцебскага філіялу МТС заявы з просьбай паказаць ёй дакумэнты, на падставе якіх праслухоўваецца яе тэлефон.

Тлумачыць у заявах, што да высновы аб праслухоўцы прыйшла пасьля інцыдэнту, які здарыўся 3 мая 2018 году каля будынку Віцебскага гарвыканкаму, куды яна хацела аднесьці заяву аб пачатку галадоўкі.

Акрамя таго, Натальля Шарыпа зьвярнулася да памочніка прэзыдэнта па Віцебскай вобласьці Аляксандра Субоціна і старшыні аблвыканкаму Мікалая Шарсьнёва, каб паведамілі, якія захады робяцца імі ў сувязі з галадоўкай маці асуджаных паводле арт.328. Просіць таксама прыняць меры, каб спыніць ціск, які ажыцьцяўляецца зараз на дзяцей галадоўніц у папраўчых калёніях.

Зьміцер Міраш

3 камэнтары

  • Спасылка на Камэнтар Людмила Аўторак, 08 Май 2018 Дадаў Людмила

    Полностью поддерживаю Наталью Шарипо!!!!! Чиновник, который допустил такой беспредел и беззаконие и при этом продолжает настаивать на своей правоте, не хочет признавать свои ошибки, не может оставаться на руководящей должности!!!! Куда смотрит президент? Шуневич - просто враг многострадального белорусского народа! Сколько можно нас мучить? Шуневича - в отставку, "моя милиция меня бережет" давно не работает, страшно жить и угроза реальная от тех, кто лризван защищать.!!!!!!!!!!!!

    Паскардзіцца
  • Спасылка на Камэнтар Вера Аўторак, 08 Май 2018 Дадаў Вера

    Поддерживаю,слава богу моих детей не коснулось наше правосудие,но понимаю в любой день просто для выполнения плана по раскрываемости,любой из них может быть задержан просто так,достаточно оказаться не в то время не в том месте и я живя в мирной стране боюсь за будущее своих детей.

    Паскардзіцца
  • Спасылка на Камэнтар Светлана Аўторак, 08 Май 2018 Дадаў Светлана

    Очень правильно и грамотно сказано. И самое главное, что это правда.

    Паскардзіцца
Залагініцца каб дадаць камэнтары