«Позиция выражается бюллетенем»: інсцэніроўка «вострай дыскусіі» пра выбары
У расонскай «раёнцы» зноўку далі слова адстаўным міліцыянтам, каб гэтым разам яны паразважалі на тэму выбараў і дэпутацкіх абавязкаў. Чарговы выпуск рубрыкі «Слова афіцэра» нагадвае скетчы з адвольнай колькасцю ўдзельнікаў – на «сур'ёзную драматургію» інсцэніроўка абмеркавання не цягне... Сваімі меркаваннямі пра выбары дзеляцца падпалкоўнік у адстаўцы Грыгорый Русіновіч - кіраўнік раённай арганізацыі ГА "Белорусский союз офицеров", чалец гэтай арганізацыі маёр Сяргей Дубкоў -- былы супрацоўнік Расонскага РАУС, і падпалкоўнік у адстаўцы Віктар Вашчанка, які калісьці служыў у МУС СССР. У газеце іх называюць «экспертамі раённай супольнасці».
За «экстрэмізм» у сацсетцы ўлады арыштавалі прадпрымальніка
Суддзя суда Наваполацка Зінаіда Балаболава 30 студзеня за падпіску на «экстрэмісцкія» публікацыі ў сацыяльнай сетцы арыштавала на 7 сутак наваполацкага прадпрымальніка Валерыя Зайца, які займаецца перавозкай пасажыраў.
У Віцебскай вобласці на ўчастках для галасавання будуць працаваць валанцёры
У рэгіянальным медыяцэнтры 7 лютага прайшоў інтэнсіў «Я – валанцёр адзінага дня галасавання!», у якім прынялі ўдзел 30 сябраў руху «Добрае Сэрца» БРСМ Віцебскай вобласці. Маладыя людзі абмеркавалі, што яны збіраюцца рабіць, знаходзячыся падчас галасавання на выбарчых участках. Аднак, ніякіх валанцёраў на ўчастках для галасавання дзейным беларускім выбарчым законам не прадугледжана. А тое, што не дазволена гэтым заканадаўчым актам, тое забаронена.
Яшчэ двух жыхароў Віцебшчыны праваабаронцы прызналі палітвязнямі
Гэта жыхар Віцебска Максім Каранькоў і лепяльчанін Міхаіл Чумакоў, асуджаныя да «хіміі» паводле арт. 369 Крымінальнага Кодэкса за абразу прадстаўнікоў улады. Абодва зараз адбываюць пакаранні: Каранькоў у Мінску (ПУАТ -55), Чумакоў у Гродне (ПУАТ-24). Суд над віцяблянінам адбыўся 1 снежня 2021 года ў судзе Кастрычніцкага раёна (суддзя Сняжана Кіндзеева). Жыхара Лепеле асудзіў ў мясцовым райсудзе суддзя Дзмітрый Васюк, вырак быў агучаны 25 лютага 2022 года.
За распаўсюд «экстрэмізму» ўлады аштрафавалі работніцу школы
Суддзя суда Міёрскага раёна Ірына Яскевіч 25 студзеня за распаўсюд «экстрэмізму» ў сацыяльнай сетцы пакарала штрафам у памеры 1000 рублёў настаўніцу міёрскай сярэдняй школы №2 Вольгу Нарэйку.
Гісторыя метамарфозы віцебскай папраўчай калоніі "Віцьба-3"
Акадэмік, пракуроры, суддзі, гендырэктары — шмат вядомых людзей прайшлі праз «Віцьбу-3». «Свабода» расказвае пра «ўзорна-паказальную» калонію, дзе цяпер адбываюць пакаранне 140 палітвязняў. Як адбылось так, што элітная калонія для былых чыноўнікаў і сілавікоў ператвараецца ў палітычную турму?
Чацвёрты раз запар улады арыштавалі ўдзельніка нафтанаўскай стачкі
Суддзя суда Наваполацка Зінаіда Балаболава 25 студзеня за распаўсюд «экстрэмісцкіх» матэрыялаў у сацыяльнай мэсэнджэры арыштавала на 15 сутак работніка ААТ «Нафтан Аляксандра Ляшкова. Гэта чацвёртая запар адміністрацыйная ізаляцыя ўдзельніка стачкі 2020 года, якая доўжыцца 59 сутак.
Настаўнікаў рыхтуюць да выбараў: яны пішуць дыктоўку
У Беларусі гучна піяраць так званы Адзіны дзень галасавання не толькі ў дзяржаўных СМІ, але і на іншых пляцоўках. Прыдумляючы новыя мерапрыемствы пад піяр выбараў, часам нават даходзіць да абсурду.
Жыхары Віцебшчыны сталі менш звяртацца ў органы пракуратуры
Зваротаў ад грамадзян, для абароны сваіх правоў і законных інтарэсаў рэгіянальныя пракуратуры ў 2023 годзе, паступіла заяў і скаргаў на 15% менш, чым годам раней. Паводле дадзеных, Служба інфармацыі пракуратуры Віцебскай вобласці ў мінулым годзе ў пракуратуру Віцебскай вобласці паступіла 6265 (у 2022 годзе - 7347) зваротаў грамадзян і юрыдычных асоб. Траціна з іх, а гэта 2337 зваротаў не адносілася да дзейнасці пракуратуры і накіравана для разгляду ў іншыя ведамствы і арганізацыі.
«Прыярытэтнасць кандыдатаў у дэпутаты» і іншая дэмагогія ў якасці перадвыбарчай агітацыі
Віцебская гарадская газета «Витебские вести» надрукавала меркаванне удзельніка камісіі Савета Рэспублікі па адукацыі, навуцы, культуры і сацыяльнаму развіццю Юрыя Дзеркача, які з'яўляецца і старшынём абласнога аб'яднання прафсаюзаў. Галоўны пасыл ягоных выказванняў: «Все должны прийти на выборы и избрать достойных кандидатов». Але аргументацыя спадара Дзеркача не проста непереканаўчая – яна спрэс прасягнута дэмагогіяй, часам беспадстаўнай, а часам – проста бессэнсоўнай.