Віцебскія актывісты Кансэрватыўна-хрысьціянскай партыі БНФ адзначылі Дзяды (відэа)
3 лістапада сябры КХП-БНФ наведалі вёску Пагосьцішча, што ў Лёзьненскім раёне. Яны паднавілі надпіс на помніку, усталяваным тут у гонар Ігната Будзіловіча і безыменных касінераў паўстаньня 1863 году пад кіраўніцтвам Кастуся Каліноўскага, і зрабілі прыборку прылеглай тэрыторыі. Пасьля адбыўся мітынг, падчас якога прагучалі словы ў падтрымку незалежнасьці Беларусі. Напрыканцы ўдзельнікі імпрэзы ўшанавалі памяць Ігната Будзіловіча і яго паплечнікаў, што загінулі за гэтую незалежнасьць 150 гадоў таму, хвілінай маўчаньня.
Віцебскі абаронца грамадзянскіх правоў застаўся без правоў
Увечары 1 лістапада машына Пятра Іванова была спыненая супрацоўнікамі ДАІ. Спачатку яму заявілі, што ён парушыў правілы дарожнага руху, праехаўшы на чырвонае сьвятло, і мусіць заплаціць штраф у памеры 1 базавай велічыні («Або можам праехаць у абласное ДАІ, але тады штраф будзе 5 базавых», – паведамілі затрыманаму). Пасьля «прабіцьця па базе» тлумачэньне прычыны затрыманьня з боку даішнікаў зьмянілася: Пятру Іванову сказалі, што ён нібыта знаходзіцца ў вышуку і таму мусіць праехаць у міліцэйскі пастарунак.
У Полацку зноў высякаюць дрэвы
Полацкі райвыканкам 29 кастрычніка правёў грамадзкія слуханьні па пытаньні зьнішчэньня дрэваў для будаўніцтва храма. Царква РПЦ будзе пабудаваная на тэрыторыі чыгуначнага шпіталя на ўскраіне Полацку. Для гэтага будзе сьпілавана 17 бяроз і прыгожая лістоўніца. Голас грамадзян, якія прапаноўвалі захаваць дрэвы, застаўся не пачуты.
Алесь Бяляцкі: Спадзяюся, што мая чалавечая адсутнасьць кампэнсуецца вашай актыўнасьцю
«У мяне ўсё па-старому. Зэк сядзіць – тэрмін ідзе. Неўпрыкмет я падбіраюся да піку і празь месяц пакачуся ўжо з горкі. Спадзяюся, што мая чалавечая адсутнасьць кампэнсуецца вашай актыўнасьцю. Трымайцеся і не апускайце рукі. Да сустрэчы», – гэтак напісаў кіраўнік праваабарончага цэнтру «Вясна» Алесь Бяляцкі, які адбывае пакараньне ў бабруйскай папраўчай калёніі №2, віцебскаму праваабаронцу Леаніду Сьвеціку.
У Гарадоцкім раёне парушаецца экалягічнае заканадаўства
Міжведамасная працоўная група Віцебскага абласнога камітэту прыродных рэсурсаў і аховы навакольнага асяродзьдзя зафіксавала шматлікія парушэньні экалягічнага заканадаўства на тэрыторыі Гарадоцкага раёну. Кіраўнікам прадпрыемстваў ААТ «Гарадоцкі райаграпрамзаб», ААТ «Гарадоцкі льнозавод», КУП «Гарадоцкі ПКіЦС» накіраваныя прадпісаньні аб устараненьні парушэньняў.
Павал Севярынец: ЭЗ ня ведае, што рабіць з Лукашэнкам
Сустаршыня БХД Павал Севярынец камэнтуе апошняе рашэньне Эўразьвязу пра карэктоўку “чорных сьпісаў”: “Рашэньне Эўразьвязу адкрыта слабое. Гэта сьведчыць пра тое, што Эўразьвяз дагэтуль ня мае стратэгіі ў адносінах да Беларусі і ня ведае, што рабіць зь беларускім рэжымам. Безумоўна, гэтае рашэньне не спрыяе дэмакратызацыі нашай краіны. Аднак адказнасьць за беларускую сытуацыю ляжыць на нас, на беларусах. Мы ня можам загадваць эўрапейцам, што рабіць, а чаго не рабіць, мы можа толькі ацэньваць эфэктыўнасьць тых ці іншых крокаў”.
У Віцебску скінхэды перасьледуюць туркмэнскіх студэнтаў?
На сайце «Хроніка Туркмэністану» зьявілася нататка «Туркмэнскія студэнты просяць ратунку», дзе паведамляецца, што на студэнтаў з Туркмэністану, што навучаюцца ў Віцебскім дзяржаўным унівэрсытэце імя П. М. Машэрава, на працягу апошніх двух тыдняў палююць мясцовыя скінхэды. Далей у тэксьце гаворыцца наступнае: «Групы маладых хлопцаў зьбіваюць як хлопцаў, гэтак і дзяўчат - туркмэнскіх студэнтаў. З-за таго, што апошнія цяпер не могуць выйсьці на вуліцу, ужо на працягу шасьці дзён навучальны працэс ва ўнівэрсытэце спынены».
Ян Дзяржаўцаў: Дрэвы ля трасы зьнішчылі, каб «зязюлі» не сядзелі на елках, калі будзе ехаць Лукашэнка? (фота, відэа)
Ля трасы, што вядзе зь Віцебску да райцэнтру Гарадок, ідзе масавая высечка елак. Віцебскі актывіст КХП-БНФ абураны гэтым фактам. «Прашу адказаць мне, на якой падставе праводзіцца высечка елак лесаахоўнай паласы ўздоўж дарогі Віцебск-Гарадок, пачынаючы з Баталей і амаль да Гарадка», – напісаў Ян Дзяржаўцаў у абласны камітэт рэсурсаў і аховы навакольнага асяродзьдзя. Актывіст таксама просіць высьветліць, хто канкрэтна аддаў такі «бязглузды загад».
Тацьцяна Севярынец перадала дому-інтэрнату дар
Каардынатарка аргкамітэту па стварэньні партыі “Беларуская хрысьціянская дэмакратыя” па Віцебску Тацьцяна Севярынец перадала Віцебскаму дому-інтэрнату для састарэлых і інвалідаў 60 кніг. Паводле яе словаў, раней актывісты БХД ужо перадавалі інтэрнату кнігі, перадусім клясычную літаратуру, і выхаванцы папрасілі больш звычайнага чытва, што і зрабіла зараз Тацьцяна Севярынец.
Павал Севярынец узяў удзел ва ўсталяваньні крыжоў у Курапатах
У Курапатах усталявалі 8 новых крыжоў. Яны зьявіліся з таго боку Менскай кальцавой дарогі, дзе раней крыжоў не было. Актывісты аргкамітэту БХД паставілі крыжы 27 кастрычніка пасьля паседжаньня Нацыянальнай рады. На ім хрысьціянскія дэмакраты абмяркоўвалі свой удзел у будучых выбарчых кампаніях. Упершыню пасьля 2010 году паседжаньне вёў Павал Севярынец.