Віцебскі абласны суд разгледзеў касацыйную скаргу Зьмітра Лупача
19 жніўня судзьдзя Віцебскага абласнога суду Сьвятлана Іванова пакінула ў сіле рашэньне Глыбоцкага райсуду, вынесенае у дачыненьні да журналіста Зьмітра Лупача, якога пакаралі за нібыта незаконны выраб і распаўсюд прадукцыі сродкаў масавай інфармацыі.
Віцебскі райвыканкам адмовіўся ад магілы закатаванай нацыстамі партызанскай сям’і
На зварот жыхара вёскі Котава Анатоля Каваленкі з просьбай добраўпарадкаваць закінутую магілу замардаванай партызанскай сям'і чыноўнікі Віцебскага райвыканкаму адказалі, што гэтым павінны займацца сваякі пахаваных за свой кошт.
У Дзень Салідарнасьці актывісты Паставаў падтрымалі палітвязьняў
16 жніўня на вуліцах Паставаў зьявіліся дзясяткі новых налепак у штомесячны Дзень салідарнасьці. На іх намаляваная лічба «16» і лёзунг «Свабоду Беларусі!». Налепкі расклеілі на слупах і дошках аб’яваў.
Пікет Караткевіч у Воршы: затрыманьне ДАІ і прыхільнік „русского мира”
Тацьцяна Караткевіч 17 жніўня правяла сэрыю сустрэч з выбарцамі. Прэтэндэнтка ў прэзыдэнты зьдзяйсьняла паездкі па гарадох усходняй Беларусі. Яна завітала ў Магілёў, Шклоў, а затым у Воршу.
«Людзі плакалі». Віцебскія дачнікі пусьцілі па Дзьвіне сьвечкі - на знак смутку па сваіх хатах пад знос
Віцебскія дачнікі пусьцілі па Заходняй Дзьвіне сьвечкі - на знак смутку па сваіх хатах, якія ўвосень пойдуць пад знос. У трох кілямэтрах ад іх пасёлкаў, разьмешчаных на розных берагах ракі, будуецца ГЭС.
У Віцебску падалі заяўку на пікет па праблемах мэдыцыны
Віцебскія актывісты аргкамітэту па стварэньні партыі «Беларуская Хрысьціянская Дэмакратыя» падалі на 23 жніўня заяўку на правядзеньне пікету па праблемах медыцыны.
Кіраўнік Віцебскай абласной арганізацыі ЛДП: У Гайдукевіча праблем з рэгістрацыяй кандыдатам у прэзыдэнты ня будзе
Ініцыятыўная група прэтэндэнта ў прэзыдэнты ад Лібэральна-дэмакратычнай партыі Беларусі Сяргея Гайдукевіча ўжо сабрала неабходныя для рэгістрацыі сто тысяч подпісаў выбарцаў, пра гэта «Віцебскай вясьне» заявіў лідэр абласной арганізацыі ЛДП Сяргей Ярмыкін.
Праваабаронца Валер Місьнікаў: Усе шляхі вядуць у Камітэт па правох інвалідаў
У межах грамадзянскай справы судзьдзя Кастрычніцкага раёну Віцебску Натальля Лях адмовілася задаволіць скаргу пэнсіянэра і інваліда другой групы, праваабаронцы Валера Місьнікава на дзеяньні дзяржаўных органаў і службовых асоб. Спадар Місьнікаў заяўляе, што калі яму ня ўдасца дамагчыся справядлівасьці ў беларускіх судох, то ён будзе вымушаны зьвярнуцца ў міжнародныя арганізацыі для абароны сваіх сацыяльных правоў.
«Капай глыбей!» На Глыбоччыне прайшлі «БАЖынкі-2015»
7-8 жніўня Глыбоцкая суполка ГА «Беларуская асацыяцыя журналістаў» прымала гасьцей. Сёлетні карпаратыўны фэст сабраў больш за 40 удзельнікаў і пакінуў сьлед ня толькі ў іх памяці ды на флэшках фотаапаратаў, але і ў Вікіпэдыі.
Гаспадары на чале з Тацьцянай Смоткінай старанна рыхтаваліся паказаць свой улюбёны горад найлепшым чынам, і знаёмства зь ім атрымалася сапраўды ўсебаковым: і зьверху, і зьнізу, і знутры. Мясцовыя краязнаўцы Ўладзімер Скрабатун і Юры Каўбасіч правялі групу БАЖаўцаў па цэнтры гораду, распавёўшы пра яго гісторыю і пра сваіх выбітных землякоў. А ў царкве Раства Прасьвятой Багародзіцы (першапачаткова – касьцёл ордэну кармэлітаў) гасьцям дазволілі нават спусьціцца ў старажытныя сутарэньні і падняцца на званьніцу.
Знаёмства з Глыбоччынай працягнулася і падчас працы ў камандах – кожная зь іх атрымала заданьне напісаць для Вікіпэдыі артыкул на пэўную тэму: пра «Вішнёвы фэст» і селекцыянэра Баляслава Лапыра, пра магілу і помнік Мюнхгаўзэну, пра Напалеона ў Глыбокім, пра мясцовы дэндрапарк і пра газэту «Вольнае Глыбокае».
Напачатку адбыўся майстар-кляс ад арганізацыі «Фаланстэр»: трэнэры патлумачылі тэхнічны бок справы і расказалі, па якіх крытэрах будуць ацэньваць працы «вучняў». Журналісты адказна падышлі да справы і сапраўды «капалі глыбей», пакінуўшы ў Вікіпэдыі шэсьць паўнавартасных артыкулаў – найлепшую падзяку глыбачанам за гасьціннасьць.
Увечары госьці пераехалі на аграсядзібу ў вёсцы Валодзькава, дзе іх чакала прахалоднае возера, а потым – вячэра, вогнішча, рамантычны Зьміцер Вайцюшкевіч, танцавальны майстар-кляс пад дуду і скрыпку і безьліч зораў на чыстым жнівеньскім небе.
На наступны дзень журналісты пасьнедалі, крыху падужаліся ў рыбалцы, дартсе і валейболе і перайшлі да падрыхтоўкі прэзэнтацыяў каманд. Нягледзячы на анамальную сьпёку, многія прэзэнтацыі атрымаліся надзвычай крэатыўнымі і энэргічнымі.
https://vitebskspring.org/itemlist?url=424&start=5380#sigProIdf92c8f4538
Палітвязень Ігар Аліневіч пра ўмовы ў калёніях і турмах: самагубствы, зьдзекі і бяспраўе
Сайт abc-belarus.org публікуе ліст Ігара Аліневіча, у якім ён камэнтуе паездку прадстаўнікоў праваабарончай арганізацыі «Пляцформа» па папраўчых калёніях і падрабязна апісвае сыстэму, у якой яму даводзіцца жыць апошнія 5 гадоў. У цяперашні час палітвязень адбывае тэрмін у калёніі «Віцьба-3».