У Віцебску зноў затрымалі ксяндза
Супрацоўнікамі Першамайскага РАУС быў затрыманы ксёндз Андрэй Вашчук, пробашч віцебскай парафіі Святога Духа. Паводле паведамленняў у сацыяльных сетках, святара затрымалі нібыта за несанкцыянаванае пікетаванне і ў наступны панядзелак будуць судзіць паводле арт. 24.23 КаАП.
2 гады калоніі прысудзілі жыхарцы Докшыц «за фінансаванне пратэстнай дзейнасці»
Справу Вольгі Ялцэвіч разбіраў суд Маскоўскага раёну Брэста ( па месцы рэгістрацыі жанчыны). Суддзя Яўген Брэган прызнаў Вольгу Ялцэвіч вінаватай паводле ч. 2 артыкула 342 Крымінальнага кодэксу). Згодна з матэрыяламі следства, ад імя замежнага фонду яна публікавала інфармацыю аб зборы грошай «для падтрымкі грамадзян, якія прымалі ўдзел у несанкцыянаваных масавых мерапрыемствах на тэрыторыі Рэспублікі Беларусь».
15 сутак арышту Міколу Шараху. Лідар СПБ убачыў свой вырак яшчэ да пачатку працэсу
У судзе Полацку і Полацкага раёну да 15-ці сутак арышту асудзілі старшыню Свабоднага прафсаюзу Беларускага Мікалая Шараха. Суддзя Раіса Штуро разбірала дзве адміністрацыйныя справы, распачатыя за незаконнае пікетаванне – за жоўта-блакітны сцяг на аватарцы ў Фэйсбуку ( арт. 24.23.КаАП) і за распаўсюд экстрэмісцкіх матэрыялаў праз старонку ВКонтакте (арт.19.11 КаАП). Перад пачаткам пасяджэння Мікалай Шарах заявіў пра неабходнасць пазнаёміцца з матэрыяламі справаў, і ў дакументах ўбачыў дзве ўжо гатовыя судовыя пастановы – два разы па 15 сутак. Аднак падчас працэсу ўсё пайшло не так, як было запланавана.
Ігар Казмярчак: «Пракуратура парушыла сваё абяцанне, і сайт orsha.eu застаецца заблакаваным»
У лістападзе мінулага году па рашэнні Віцебскай абласной пракуратуры Міністэрства інфармацыі заблакавала гарадскі незалежны сайт Оршы. У афіцыйным спавяшчэнні, якое атрымала рэдакцыя, вялося пра тое, што блакіроўка будзе працягвацца паўгады. Прайшло значна болей часу, і было прынята рашэнне напісаць у пракуратуру афіцыйны запыт, чаму сайт дагэтуль не разблакаваны. «Адказ прыйшоў адназначны: сайт не разблакуюць», – распавёў рэдактар і заснавальнік сайта orsha.eu Ігар Казмярчак.
У Полацку міліцыя затрымала прафсаюзнага лідэра Мікалая Шараха
Яго затрымалі пасля вяртання з Мінска, дзе Вярхоўны суд разглядаў справу аб ліквідацыі Свабоднага профсаюза Беларускага. З вялікай верагоднасццю прафсаюз быў закрыты. Але затрыманаму кіраўніку арганізацыі паведамілі, што судовае рашэнне яму вышлюць на электронную пошту.
"Праваабаронца — не злачынца": год за кратамі Алесь Бяляцкі, Валянцін Стэфановіч і Ўладзь Лабковіч
14 ліпеня — роўна год, як старшыня “Вясны” Алесь Бяляцкі, яго намеснік Валянцін Стэфановіч і юрыст арганізацыі Уладзімір Лабковіч былі брутальна cхопленыя беларускімі ўладамі і кінутыя за краты за сваю праваабарончую дзейнасць, легальную дапамогу грамадзянам і імкненне да дэмакратыі ў краіне.
СК вырашыў, што складу злачынства ў допісе Ціны Палынскай няма
Пра гэта полацкая журналістка напісала ў Фэйсбуку, каментуючы звесткі пра вяртанне кампутара і мабільнага тэлефона, забраных падчас ператрусу. Нагадаем, СК праводзіў праверку па факце допіса ў Фэйсбуку, які Ціна Палынская зрабіла напярэдадні візіту ў Полацк кіраўніка РПЦ у Беларусі Патрыярха Кірыла. У міліцыі ёй паведамілі, што яе справу перадалі ў пракуратуру, якая павінна зацвердзіць або аспрэчыць рашэнне следчых пра адсутнасць складу злачынства.
Ціск на Мікалая Статкевіча ў глыбоцкай калоніі
Палітвязень, асуджаны да 14-ці гадоў зняволення ў калоніі асаблівага рэжыму паводле ч. 1 арт. 293 Крымінальнага кодэксу (Арганізацыя масавых беспарадкаў), з 24 чэрвеня знаходзіцца ў глыбоцкай ПК-13. У апошніх лістах да жонкі ён паведамляе пра штодзённы ціск на яго з боку адміністрацыі. Праваабаронцы адзначаюць, што ўмовы ўтрымання ў гэтай калоніі (народная назва «Беразвечча») надзвычай жорсткія, што да стаўлення да зняволеных.
Камітэт ААН па правах чалавека забараніў Расіі экстрадаваць у Беларусь Яну Пінчук
Маскоўская Хельсінкская група паведаміла 12 ліпеня аб адказе № 4182/2022 з Камітэта па правах чалавека адносна беларускі Яны Пінчук. Камітэт прызнаў абгрунтаванымі рызыкі непапраўнай шкоды ў выпадку экстрадыцыі Яны ў Беларусь і папрасіў урад Расеі ўстрымацца ад выдачы, каб даць Пінчуку доступ да ўнутраных працэдур атрымання прытулку. Ці спыніць рашэнне Камітэта экстрадыцыю, невядома.
Па заяве пракурора заблакаваная старонка ў сацыяльнай сетцы віцябляніна Сяргея Сесіцкага
Па заяве пракурора Віцебскай вобласці 13 ліпеня старонка віцябляніна Сяргея Сесіцкага ў сацыяльнай сетке Фейсбук (https://www.facebook.com/sergey.sesitsky) прызнана экстрэмісцкімі матэрыяламі. Гэта чарговая спроба выдаліць інфармацыйны рэсурс Сяргея з публічнага абарота.