Ксяндза Андрэя Вашчука аштрафавалі за выяву свастыкі на карыкатуры. Падсуднага на працэсе на было
У судзе Першамайскага раёну Віцебску прайшоў працэс над былым пробашчам парафіі Святога Духа Андрэем Вашчуком. Суддзя Андрэй Андрушэнка прызнаў ксяндза вінаватым паводле ч.1 артыкула 19.11 КаАП за распаўсюд забароненай сімволікі, і прысудзіў штраф памерам 10 базавых велічынь (320 рублёў). Падсудны на працэс не з’явіўся: тры тыдні таму ён пакінуў Беларусь.
Жанчыну, якая правяла акцыю на лінейцы ў Наваполацку, ужо двойчы асудзілі
40-гадовую Ганну Тукаву затрымалі 1-га верасня падчас урачыстай лінейкі ў наваполацкай гімназіі. Яна прывяла ў школу сваю дачку і ўбачыла «паказальны выступ» падлеткаў у вайсковай форме, якія імітавалі баявыя дзеянні і расстрэл палонных. Жанчына выйшла ў цэнтр пляцоўку, паказваючы абедзвюма рукамі сімвалы «V», за што была затрымана міліцыяй.
У Віцебскай вобласці назіраецца некантралюемы рост кібермахлярства
Упраўленне Следчага камітэта па Віцебскай вобласці распаўсюдзіла ў СМІ інфармацыю вынікаў працы гэтага сілавога ведамства за 8 месяцаў 2022 года. Станоўчым момантам у прадстаўленай інфармацыі было тое, што ў вобласці агульная злачыннасц,ь у параўнанні з аналагічным перыядам мінулага года, зменшылася больш чым на 7%. З раскрывальнасцю горш, бо да суда даходзяць толькі 6 з 10 заведзеных крымінальных спраў. Аднак барацьба з кіберзлачыннасцю прызнана практычна правальнай. Сёлета, колькасць зарэгістраваных прыступных замахаў на грашовыя сродкі грамадзян, ужо наблізілася да 1 тысячы.
Віцяблянін Сяргей Сясіцкі прызнаны палітвязнем
Сёлета ў жніўні Сяргея Сясіцкага затрымалі за абразу А. Лукашэнкі паводле арт. 368 Крымінальнага Кодэксу. Санкцыі артыкула прадугледжваюць да 4 год пазбаўлення волі. Дома ў Сяргея, а таксама ў яго бацькоў прайшлі ператрусы. Незадоўга да затрымання пракуратура залічыла старонку Сясіцкага ў Facebook у пералік экстрэмісцкіх матэрыялаў. У Віцебску мужчына вядомы як даўні апанент так званага «русского мира».
Палітвязня Мікалая Статкевіча ўжо больш за месяц не выводзяць на свежае паветра
Адсутнасць прагулак адміністрацыя глыбоцкай калоніі ПК 13 тлумачыць рамонтам ва ўнутраным двары. Пра гэта зняволены палітык напісаў у лісце да жонкі, Марыны Адамовіч. Таксама ён паведаміў, што яго перавялі ў іншую камеру – «адзіночку», якая «на сантыметраў 7 шырэйшая і гэтага хапіла, каб прасунуцца паўз тумбачку да сценкі, супрацьлеглай дзвярам».
Статыстыка сведчыць аб тым, што судовая сістэма Віцебскай вобласці, працуе ў карнай парадыгме
У першым паўгоддзі 2022 года раённымі судамі Віцебскай вобласці разгледжана 1850 крымінальных спраў з вынясеннем прыгавору. Па выніках судовых разбораў асуджана 2040 асоб. Апраўдальныя прыгаворы вынесены ў дачыненні да 2 асоб. Асноўнымі нагодамі для апраўдання, як і ў папярэднія гады, з'явілася адсутнасць у дзеяннях складу злачынства альбо недаказанасць удзелу абвінавачанага ў ягоным здзяйсненні. Выключная мера пакарання судамі не прымянялася.
За антываенную акцыю ў Наваполацку маладая жанчына атрымала штраф і яшчэ адзін адміністрацыйны пратакол
Суд Наваполацка 3 верасня вынес пастанову аштрафаваць Ганну Тукаву за антываенную акцыю. Суд прызнаў яе вінаватай і прымяніў да дзяўчыны арт. 24.23 (Парушэнне парадку арганізацыі або правядзення масавых мерапрыемстваў) Кодэкса аб адміністрацыйных правапарушэнняў. Прычынай «мяккага», для цяперашняга часу, пакарання стала тое, што «парушальніца закону» мае малалетняга дзіцяці. Але пасля прысуду Ганна так і не выйшла на волю.
Віцяблянін Аляксей Рэзнікаў прызнаны палітвязнем
26 жніўня яго асудзілі да чатырох з паловай гадоў калоніі ва ўмовах агульнага рэжыму па пяці артыкулах Крымінальнага кодэксу: ч. 1 арт. 130 (распальванне іншай сацыяльнай варожасці), ч. 1 арт. 130-1 (рэабілітацыя нацызму), ч. 1 арт. 368 (абраза Лукашэнкі), арт. 369 (абраза прадстаўніка ўлады) і арт. 370 (здзек з дзяржаўных сімвалаў). Больш за 4 месяцы да суду мужчыну ўтрымлівалі ў Віцебскім СІЗА-2. Праваабарончая супольнасць прызнала Аляксея Рэзнікава палітзняволеным.
Ініцыятыва «Лісты ў клетачку» спыняе працу
Ініцыятыва «Лісты ў клетачку» была створана дзеля падтрымкі ахвотных ліставацца з палітвязнямі. Калі такі чалавек хацеў напісаць словы падтрымкі зняволеным па палітычных прычынах, але не ведаў адраса турмы ці калоніі, ён мог даслаць ліст праз сервіс. Але цяпер ён спыняе сваё існаванне – найперш праз адсутнасць зваротнай сувязі, бо ў месцах зняволення практычна перасталі перадаваць лісты палітзняволеным ад чужых людзей. Дай допісы ад сваякоў даходзяць да іх далёка не ўсе.
Праз адмову ад міжнароднай дамовы ўлады хочуць пазбавіць беларусаў магчымасці абараняць свае правы ў Камітэце ААН па правах чалавека
За апошнія дзесяць гадоў дзякуючы дапамозе праваабаронцаў крыху больш за 60 жыхароў Віцебскай вобласці скарысталіся канстытуцыйным правам і звярнуліся ў Камітэт ААН па правах чалавека з мэтай абароны сваіх правоў і свабод, бо імі былі вычарпаны ўсе існуючыя ўнутрыдзяржаўныя сродкі прававой абароны. Камітэт з'яўляўся адзінай міжнароднай інстанцыяй, праз якую можна было абараніць свае грамадзянскія і палітычныя правы ў рамках Факультатыўнага пратакола Міжнароднага Пакта аб грамадзянскіх і палітычных правах. У выпадку дэнансацыі віцябляне, як і ўсе грамадзяне Рэспублікі Беларусь, будуць пазбаўлены практычнай магчымасці абараняцца ад самаўпраўнасці ўладаў на міжнародным узроўні.