Сябра праваабарончага цэнтра “Вясна” палітвязень Уладзімір Лабковіч святкуе свой Дзень народзінаў за кратамі
Сёння, 22 кастрычніка, палітзняволенаму каардынатару кампаніі "Праваабаронцы за свабодныя выбары" Уладзю Лабковічу спаўняецца 44 гады — гэта ўжо другі Дзень народзінаў, які вясновец вымушаны сустракаць за кратамі. За 15 месяцаў зняволення ў яго моцна пагоршылася здароўе, праваабаронцу перыядычна блакуюць ліставанне, трое яго дзетак гадуюцца без бацькі.
Замежныя палітыкі сталі «хроснымі» у палітвязняў Яны Пінчук і Васіля Бераснева
У межах кампаніі салідарнасці #WeStandBYyou, арганізаванай нямецка-швейцарскай праваабарончай арганізацыяй «Libereco – Партнёрства за правы чалавека», сімвалічныя «хросныя» з’явіліся ў палітзняволенай ураджэнкі Віцебску Яны Пінчук і ў палітвязня з Воршы, прафсаюзнага актывіста Васіля Бераснева. Падтрымаць зняволеных вырашылі прадстаўнікі Вялікабрытаніі і Нямеччыны.
За краты кінулі жонку палітвязня Ігара Лосіка, які адбывае пакаранне ў наваполацкай калоніі
Журналіст Радыё Свабода Ігар Лосік быў затрыманы 25 чэрвеня 2020 г., а ў снежні 2021 г. яго асудзілі паводле ч. 1 арт. 293 Крымінальнага кодэксу («Арганізацыя масавых беспарадкаў») і паводле арт. 130 Крымінальнага кодэксу («Распальванне варожасці ці варажнечы») да 15 гадоў пазбаўлення волі ў калоніі ўзмоцненага рэжыму. Сёлета 18 кастрычніка ў Менску была затрымана ягоная жонка Дар’я. Праз трое сутак яна не выйшла на волю.
Суд пастанавіў закрыць арганізацыю, якая займалася рэабілітацыяй дзяцей з інваліднасцю
Згодна з рашэннем Віцебскага абласнога суда, з 14 верасня знаходзіцца ў стане ліквідацыі Віцебскае грамадскае аб'яднанне "Дзіцячай Актыўнай Рэабілітацыі". Знішчэнне "ДАРа" адбываецца па прадстаўленні Галоўнага ўпраўлення юстыцыі Віцебскага выканаўчага камітэта, якім кіруе Сяргей Канапелька. Улічваючы, што закрытая арганізацыя дапамагала дзецям з абмежаванымі магчымасцямі, то напрошваецца відавочная выснова аб тым, што віцебскія ўлады канчаткова расчалавечыліся.
У Воршы затрыманыя тры супрацоўнікі службы бяспекі наркамаркета, так званых «спортыкаў-карнікаў»
Мінскія аператыўнікі наркакантролю пры падтрымцы АМАП у Оршы з доказамі злачынства затрымалі групу маладых людзей, якія ўваходзілі ў так званую групоўку "спортыкаў". Банда была своеасаблівай службай бяспекі наркасіндыката і карала непажаданых або "нядобрасумленных" распаўсюджвальнікаў наркотыкаў. У групу ўваходзілі 18-гадовы непрацуючы аршанец і двое навучэнцаў мясцовага прафтэхліцэя - 16-гадовы хлопец і 15-гадовая дзяўчына.
У Мінску затрымалі аршанцаў. Іх арыштавалі па адміністрацыйным артыкуле і завялі крымінальную справу
У беларускай сталіцы затрымана пара з Оршы - Марыю Яшчанку і Рамана Цыганкова. У дзень затрымання яны былі арыштаваныя судом на 14 сутак кожны за нібыта адміністрацыйнае правапарушэнне. Цяпер яны знаходзяцца ў Цэнтры ізаляцыі правапарушальнікаў, які размешчаны на вул. Акрэсціна ў Мінску. І Марыя, і Раман маюць хранічныя захворванні, але кіраўніцтва ЦІПа адмовіла сваякам перадаць ім ежу, лекі і цёплыя рэчы.
У Віцебску прапагандыст Азаронак "прамыў" мазгі будучым медыкам
У рамках рэспубліканскага праекта "Будзь у тэме" 18 кастрычніка ў Віцебскім дзяржаўным медыцынскім універсітэце прайшла дыялогавая пляцоўка з удзелам тэлевядучага, журналіста, прапагандыста Рыгора Азаронка і намесніка старшыні РГА "Белая Русь" Андрэя Басака. На сустрэчы прысутнічала не менш за 400 спецыяльна адабраных адміністрацыяй ВНУ маладых людзей. Галоўная мэта праекта - вярнуць давер моладзі да афіцыйных СМІ і дзяржаўнай прапаганды.
Агульнагарадскі суботнік адбыўся, але пытанні аб яго законнасці засталіся
Па ініцыятыве ўладаў Віцебска 15 кастрычніка прайшоў агульнагарадскі суботнік, у якім прынялі ўдзел больш за 56 тысяч гараджан. Удзельнікі суботніка працавалі на сваіх працоўных месцах або ажыццяўлялі добраўпарадкаванне тэрыторый і сацыяльных і іншых аб'ектаў. Падчас гэтага мерапрыемства віцябляне зарабілі 344 тысячы рублёў. Гэтыя грошы ўжо пералічаны на рахунак гарадскога выканаўчага камітэта. Як і раней узнікаюць пытанні аб добраахвотнасці ўдзелу людзей у гэтым сумнеўным "свяце працы".
Праваабаронцы просяць падтрымаць палітвязня Аляксандра Патапава
Яго вінавацяць па крымінальнай справе за абразу Аляксандра Лукашэнкі (арт.368 Крымінальнага Кодэксу) і з 25-га верасня Аляксандра Патапава ўтрымліваюць у віцебскім СІЗА-2. З перапіскі з палітвязнем стала вядома, што падчас ракетнага абстрэлу ў Кіеве загінула ягоная пляменніца. «Мне горка і балюча за тое, што робіцца ва Украіне, дзе гінуць ні ў чым не вінныя людзі і дзеці. Загінула мая пляменніца, а яе трохгадовая дачка засталася калекай», – напісаў Аляксандр Патапаў.
Аршанцы хакеісты Ўладзіслаў і Андрэй Белавусавы затрыманы за пікеты ў сацыяльных сетках
Пасля затрымання гульца зборнай Беларусі па хакеі з мячом Уладзіслава Белавусава рэпрэсіі не спыніліся. Днямі за кратамі апынуўся ягоны брат Андрэй і сябра па спартыўнай камандзе Дзяніс Хатылёў. Магчыма, ўлады пачалі рыхтаваць чарговую гучную крымінальную справу, у якой у якасці фігурантаў будуць выступаць вядомыя беларускія спартоўцы.