У Віцебскай вобласьці прыцягнутыя да адказнасьці кіраўнікі прадпрыемстваў і арганізацыяў, якія не адрэагавалі на крытыку ў сродках масавай інфармацыі. Пра гэта паведамілі ў Камітэце дзяржаўнага кантролю Беларусі. Факты парушэньняў патрабаваньняў указу № 630 “Аб рэагаваньні службовых асоб на крытычныя выступы ў дзяржаўных сродках масавай інфармацыі” выяўленыя Камітэтам дзяржкантролю пры правядзеньні кантрольных мерапрыемстваў па гэтым пытаньні.