Палітвязьня Ігара Аліневіча перавялі ў калёнію “Віцьба-3”
Палітвязьня Ігара Аліневіча перавялі ў калёнію “Віцьба-3”, дзе раней адбываў пакараньне былы кандыдат на прэзыдэнта Аляксандар Казулін. Бацька палітвязьня Ігара Аліневіча Ўладзімер Аліневіч паведаміў, што ягонага сына перавялі з наваполацкай калёніі ў калёнію “Віцьба-3”, якая знаходзіцца непадалёк ад Віцебску.
Палітвязень Ігар Аліневіч пазбаўлены магчымасьці вучыцца ў калёніі
Маці палітвязьня Ігара Аліневіча, які адбывае пакараньне ў Наваполацкай калёніі, распавяла пра няўдалыя спробы сына пачаць навучаньне ў калёніі: «Адразу ён спрабаваў працаваць па спэцыяльнасьці, якая блізкая да ягонай адукацыі, а ён закончыў радыётэхнічны. Але яго ня бралі ні на якую. А летась узялі ў ПТВ на краўца, але празь месяц адхілілі ад вучобы. Ведаю, што ён падаваў заяву на навучаньне на краўца, але зноў не ўзялі».
Валянціна Аліневіч: Сьнег у Наваполацкай калёніі блакітны з-за шкодных выкідаў
Маці палітвязьня Ігара Аліневіча сустрэлася зь ім у турме. «Доўгатэрміновае спатканьне» адбылося 24 сьнежня і працягвалася менш за суткі. У інтэрвію сайту charter97.org Валянціна Аліневіч распавяла пра ўмовы ўтрыманьня свайго сына.