Аршанцу прысудзілі паўтара года «хіміі» за абразу ў «Аднакласніках» супрацоўніка МУС
Суд Аршанскага раёна і Воршы за абразу ў сацыяльных сетках работніка міліцыі прысудзіў мясцовага 55-гадовага жыхара да пакарання ў выглядзе абмежавання волі тэрмінам на адзін год і шэсць месяцаў з накіраваннем ва ўстанову адкрытага тыпу. Суд таксама абавязаў аршанца выплаціць міліцыянту матэрыяльную кампенсацыю маральнай шкоды.
У Віцебскай вобласці – новыя падазраваныя ў абразе прадстаўнікоў улады
Міліцыя працягвае паведамляць пра затрыманні і завядзенні крымінальных справаў у дачыненні грамадзян, якія нібыта прынізілі гонар і годнасць чыноўнікаў і прадстаўнікоў праваахоўных органаў. Такіх «ідэнтыфікаваных» людзей у Віцебскай вобласці даволі шмат, што сведчыць аб тым, што пратэставыя настроі ў грамадстве нікуды не зніклі і не знікнуць у бліжэйшы час.
За абразы, пагрозы гвалту і паклёп на сілавікоў у Полацку судзяць ураджэнку Узбекістану
У судзе Полацка і Полацкага раёна 14 кастрычніка пачаўся разгляд крымінальнай справы ў дачыненні да 52-гадовай прадаўшчыцы Зухры Берасневай, якая абвінавачваецца адразу па трох артыкулах Крымінальнага кодэкса: абраза прадстаўніка ўлады (арт. 369 КК), гвалт альбо пагроза ўжывання гвалту ў дачыненні да супрацоўніка органаў унутраных спраў (арт. 364 КК) і паклёп (арт.188 КК РБ).
Праваабаронцы шукаюць сваякоў затрыманага ГУБАЗіК дырэктара сэрвіснага цэнтру ў Віцебску
На 39-гадовага жыхара абласного цэнтру выйшлі аператыўнікі ГУБАЗіК. На думку супрацоўнікаў гэтага ведамства, мужчына цягам году публікаваў у телеграм-чатах абразлівыя каментары на адрас праваахоўнікаў і вайскоўцаў, пры гэтым, маўляў, ні з кім з іх не быў знаёмы. Праваабаронцы просяць адгукнуцца сваякоў затрыманага ці тых, хто ведае, як з імі звязацца.
У дачыненні Лукашэнкі ўжыў слова «дэбіл». Вырак: паўтара года калоніі агульнага рэжыму
Разгляд крымінальнай справы ў дачыненні да вартаўніка-жывёлавода Міхаіла Лінтоўскага, якога абвінавацілі ў абразе прэзідэнта (арт. 368 Крымінальнага кодэксe) у судзе Мёрскага раёнe адбыўся яшчэ 27 жніўня. Справу разглядала суддзя Ірына Яскевіч, бок дзяржабвінавачання прадстаўляла намесніца пракурора Мёрскага раёнe Святлана Раманоўская – піша «Наша Ніва».
МУС выхваляецца, што выявіла яшчэ аднаго грамадзяніна, які «публічна абразіў работніка міліцыі»
Упраўленне ўласнай бяспекі па Віцебскай вобласці МУС паведамляе, што ідэнтыфікавала асобу жыхара Наваполацку, які ў сетцы Інтэрнэт «дапусціў зняважлівыя выказванні на адрас супрацоўніка міліцыі ў сувязі з выкананнем ім службовых абавязкаў». Прынамсі гэтак трактуе дзеянні навапалачаніна следства.
Суды Віцебскай вобласці разгледзелі 60 крымінальных спраў за абразы і пагрозы на адрас прадстаўнікоў улады
Агулам за першае паўгоддзе 2021 году на Віцебшчыне было разгледжана шэсць дзясяткаў крымінальных спраў за публічныя абразы ў Інтэрнэце прадстаўнікоў ўлады, за паклёп, пагрозу ўжывання гвалту ў дачыненні да супрацоўнікаў міліцыі. На разглядзе ў судах знаходзяцца яшчэ 9 аналагічных спраў.
У Віцебску вынесены чарговы прысуд за абразу прадстаўніка ўлады
Судом Чыгуначнага раёну 21 ліпеня 2021 году вынесены абвінаваўчы прысуд па крымінальнай справе ў дачыненні 36-гадовага віцябляніна Аляксандра Жданава. Ён пакараны за публічную абразу прадстаўніка ўлады ў сувязі з выкананнем ім службовых абавязкаў і правядзе, па рашэнні суду, на "хіміі" 2,5 года.
Вынесены прысуд па крымінальнай справе аб абразе прэзідэнта краіны, суддзяў і службовых асоб
15 ліпеня 2021 года суддзя суда Кастрычніцкага раёна Віцебска Будрэвіч пры ўдзеле пракурора Мацвеевай разгледзеў крымінальную справу па абвінавачванні пяцідзесяцігадовага жыхара абласнога цэнтра ў здзяйсненні злачынстваў звязаных з публічнай абразай службовых асоб і прадстаўнікоў улады і суддзяў. Суд прызначыў пакаранне ў выглядзі двух гадоў пазбаўлення волі з адбываннем у папраўчай калоніі ва ўмовах агульнага рэжыму. Таксама мужчына павінен выплаціць сямі пацярпелым матэрыяльную кампенсацыю маральнай шкоды ў суме 12,5 тысяч рублёў.
За абразу міліцыянта віцяблянін можа трапіць на «хімію»
Упраўленне па Віцебскай вобласці ГУУБ МУС выйшла на чарговага інтэрнэт-карыстальніка, які нібыта мае дачыненне да публічнай абразы супрацоўніка міліцыі. На падставе атрыманых дадзеных праверкі аператыўнікі завялі крымінальную справу паводле артыкулу 369 КК (Абраза прадстаўніка ўлады).