У калонію «Віцьба-3» трапіў яшчэ адзін палітвязень – Алесь Папковіч
Па інфармацыі праваабаронцаў, у віцебскую калонію №3 Алеся Папковіча перавялі яшчэ да разгляду апеляцыйнай скаргі, і на той момант яго прысуд яшчэ не ўступіў у законную сілу. Палітвязня асудзілі 5 снежня 2022 г. у судзе Заводскага раёну Менску. Суддзя Дзмітрый Астапенка прызначыў хлопцу два гады зняволення ў калоніі ва ўмовах агульнага рэжыму. І ўжо ў студзені Алесь Папковіч апынуўся ў «Віцьбе-3», прычым адразу ў памяшканне камернага тыпу. Па выніку разгляду апеляцыі, хлопца перавялі на каранцін у той самай калоніі, бо прысуд пакінуты без зменаў. Агулам у віцебскай ПК №3 ўтрымліваюцца 90 палітзняволеных.
Улады арыштавалі маёмасць буйнога полацкага бізнэсмена Ўладзіміра Захарава, які крытыкаваў Лукашэнку
Бізнэсмен з Полацка і «яго шасцёра памагатых» падазраюцца ва ўхіленні ад выплаты падаткаў і легалізацыі сродкаў, атрыманых злачынным шляхам, паведаміў Камітэт дзяржкантролю. Захараў не аднойчы дазваляў сабе публічную крытыку беларускіх уладаў, у тым ліку і палітыку Александра Лукашэнка.
Па «справе Рабочага руху» асудзілі і «нафтанаўца» Ігара Мінца
У Гомельскім абласным судзе абвясцілі вырак абвінавачаным па крымінальнай справе «Рабочага руху» – 10-ці прадстаўнікам прадпрыемстваў «Нафтан», «Гродна Азот», БМЗ, «Атлант», беларускай чыгункі. Сярод асуджаных – былыя юрысконсульты ААТ «Нафтан» Аляксандр Капшуль і Ігар Мінц. Абодвух прызналі вінаватымі ў «здрадзе дзяржаве» і «стварэнні экстрэмісцкага фармавання і ўдзеле ў ім». Ігар Мінц, як і астатнія 9 фігурантаў справы, не прызнаў у гэтым сваёй віны. Суддзя Аляксандр Піскуноў асудзіў Мінца да 12 гадоў пазбаўлення волі ў калоніі ўзмоцненага рэжыму.
Чатыром пастаўскім актывістам прысудзілі “хатнюю хімію”
Суд над імі адбыўся ў Мінску. Пастаўчан судзілі паводле ч. 1 арт. 342 Крымінальнага кодэкса (арганізацыя або актыўны ўдзел у групавых дзеяннях, якія груба парушаюць грамадскі парадак). Іх справу разглядаў суддзя Міхаіл Макарэвіч.
Былога юрысконсульта «Нафтана» Аляксандра Капшуля на 15 гадоў пазбавілі волі
У Гомелі 17 лютага абвясцілі прысуд дзесяці абвінавачаным па крымінальнай справе «Рабочага руху». Сярод іх былы юрысконсульт «Нафтана» Аляксандр Капшуль, дапамагаў прадпрыемству выйграваць спрэчкі з іншымі кампаніямі, цяпер жа ён абвінавачваецца ў здрадзе дзяржаве — за дапамогу завадчанам. Паўтара месяца ён трымаў галадоўку ў ізалятары.
За заклікі да санкцый суд пазбавіў волі вядомага лекара-трансплантолага
Суддзя Віцебскага абласнога суда Яўген Буруноў 16 лютага вынес прысуд медыку Аляксею Аляксейчыку, згодна якога асуджаны прывядзе у калоніі 2,5 годы ва ўмовах агульнага рэжыму. Мужчыну прызналі вінаватым у рамках ч. 3 арт. 361 (Заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) КК. Судовы працэс праходзіў у закрытым рэжыме.
У аршанскай калоніі палітвязень Павел Вінаградаў вылечыўся ад сухотаў
У сярэдзіне лютага 2023 года Павел вылечыўся ад сухотаў і быў накіраваны назад у ваўкавыскую папраўчаю калонію №11 для далейшага адбывання пакарання ў выглядзі пазбаўлення волі цягам пяці гадоў ва ўмовах агульнага рэжыму.
У Мінску судзяць чатырох пастаўскіх актывістаў
Іх затрымалі за фота з пратэстаў у Мінску. На ім яны стаяць на дарозе падчас акцыі пратэсту ў 2020 годзе.
Улады залічылі палітвязня Сяргея Грыбовіча у спіс “тэрарыстаў”
Камітэт дзяржаўнай бяспекі абнавіў спіс "асоб, якія маюць дачыненне да тэрарыстычнай дзейнасці". У пералік быў залічаны жыхар Докшыцаў палітвязень Сяргей Грыбовіч, асуджаны за намер паехаць ваяваць ва Украіну супраць расейскіх войскаў. Ён стаў 267-мым беларусам, якіх улады лічаць “тэрарыстамі”.
«Досыць, трэба спыняць гэтую грамадзянскую вайну!» Апошняе слова Алеся Бяляцкага
На судзе над кіраўнікамі праваабарончага цэнтра «Вясна» Алесь Бяляцкі, Валянцін Стэфановіч і Уладзімір Лабковіч выступілі з апошнімі словамі. Асаблівая ўвага прыцягнутая да прамовы нобелеўскага лаўрэата 2022 года Алеся Бяляцкага, якую мы публікуем ніжэй.