У судзе мужчыну абвінавацілі ў тым, што ён на сваёй персанальнай старонцы ў сацыяльнай сетцы «Аднакласнікі» меў спасылкі на інфармацыйныя рэсурсы: «МАЯ КРАІНА ВОЛЬНАЯ ВЯЛІКАЯ ЕЎРАПЕЙСКАЯ БЕЛАРУСЬ!!!», на лагатып і тэкст «БЕЛСАТ», «STOP LUKA», гурт «Ябацькі наХ» і «Наша Беларусь». Усе гэтыя рэсурсы ўладамі ў рознае былі ўключаны ў рэспубліканскі спіс экстрэмісцкіх матэрыялаў.

У судовым паседжанні Максім патлумачыў, што ён стварыў сваю старонку даўно. Больш за тры гады таму стала вядома аб тым, што гэтыя каналы забаронены, у сувязі з чым зайшоў на сваю старонку і выдаліў забароненую інфармацыю. Пасля гэтага не карыстаўся сваёй старонкай. Дапускае, што мог не ўсю забароненую інфармацыю выдаліць.

Тым не менш суддзя Хрыпач прыйшла да ўнутранай перакананасці ў тым, што Гарбачоў учыніў правапарушэнне паводле ч.2. арт.19.11 КаАП і падвергла яго адміністрацыйнаму спагнанню ў выглядзе арышту на тэрмін трынаццаць сутак.

Жана Яршова