Па матэрыялах судовай справы, Стаброўская ў 2021 годзе ў сацыяльнай сетцы «Одноклассники» паставіла «клас» і пакінула кароткі каментар да чужога паста, у якім суд убачыў абразу Аляксандра Лукашэнкі.

Вольга Стаброўская мае інваліднасць па слыху. Да выхаду на пенсію яна працавала ў Аршанскай друкарні. Першапачаткова ўвагу сілавікоў прыцягнулі падпіскі жанчыны на так званыя «экстрэмісцкія» інтэрнэт- рэсурсы і «падабайкі» пад матэрыяламі, у якіх асуджаецца палітыка дзейных уладаў. Пасля затрымання следчыя пачалі больш уважліва вывучаць кантэнт яе сацыяльных сетак і знайшлі падставы для крымінальнай справы.

Юрка Боўцік