Пракурор лічыць, што Андрэй Рускіх можа ўцячы, што перашкодзіць пракуратуры выканаць свае міжнародна-прававыя абавязацельствы перад Рэспублікай Беларусь. Бок абароны сцвярджае, што ўтрыманне пад вартай празмернае і неабгрунтаванае. Усе прадстаўленыя беларускім бокам працэсуальныя матэрыялы не завераны належным чынам. 

У Расійскай Федэрацыі Рускіх знаходзіцца на законных падставах, мае часовую рэгістрацыю ва Уладзіміры. У Санкт-Пецярбургу ў яго жыве дзяўчына. 

Праз адміністрацыю СІЗА Андрэй падаў заяву аб прызнанні яго бежанцам (асоба са статусам бежанца не можа быць выдадзена без яго згоды), але яшчэ не атрымаў уваходны нумар. Адвакат Фадзеева паабяцала ў бліжэйшы час даведацца пра лёс гэтай заявы. 

Таксама адвакатка Фадзеева звярнула ўвагу суда на невыкананне правоў чалавека ў Беларусі і прадставіла даведку, падрыхтаваную камітэтам «Грамадзянскае садзейнічанне», аб сітуацыі з правамі чалавека ў рэспубліцы. 

Тым не меньш, суддзя прыняў рашэнне аб задавальненні хадайніцтва пракурора і падоўжыў Андрэю Рускіх меру стрымання ў выглядзе ўтрымання пад вартай на 4 месяцы 21 суткі, г.зн. да 27 лістапада 2022 года. 

Міхаіл Пісараў