Асуджанага журналіста Анджэя Пачобута этапавалі ў Наваполацкую ПК-1
8 лютага ў абласным судзе Гродна журналіст і адзін з лідараў незалежнага Саюза палякаў Беларусі быў асуджаны да 8 гадоў пазбаўлення волі ў калоніі ва ўмовах ўзмоцненага рэжыму. Яго прызналі вінаватым паводле арт. 361 Крымінальнага кодэкса («Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь») і арт. 130 Крымінальнага кодэкса («распальванне варожасці ці варажнечы»).
Таццяну Пыцько, жонку палітвязня Вячаслава Лазарава, таксама прызналі палітычнай зняволенай
Жанчыну затрымалі 6 чэрвеня, на той час яе муж ужо 4 месяцы знаходзіўся ў віцебскім СІЗА-2. Пасля таго, як туды змясцілі і Таццяну Пыцько, іх аднагадовую дачку забралі пад апеку дзяржавы ў дзіцячы шпіталь, неузабаве яе маюць перавесці ў Дом дзіцяці. Сваякі Таццяны Пыцько збіраюць дакументы дзеля афармлення апякунства над малой. Тым часам стала вядома, што жонку палітзняволенага відэааператара-фрылансера вінавацяць за дапамогу мужу: супраць Вячаслава Лазарава распачата крымінальная справа паводле арт. 361-4 Крымінальнага кодэкса («спрыянне экстрэмісцкай дзейнасці») за сувязь з недзяржаўным СМІ, прызнаным у Беларусі экстрэмісцкім фарміраваннем.
Віцяблянін Яўген Гуцалаў, затрыманы ў Арменіі, не будзе дэпартаваны ў Беларусь, дзе на яго завялі крымінальную справу
Яўген Гуцалаў - той самы аматар бегу на доўгія дыстанцыі, які за 10 дзён «на сваіх дваіх» перасёк Беларусь з поўначы на поўдзень. Яшчэ адно ягонае захапленне – гэта падарожжы. Але апошнія з іх былі вымушаныя: увосень 2021г. ён пакінуў Беларусь, бо супраць яго распачалі крымінальную справу за абразу дзяржаўных сімвалаў. Падставай стала сатырычнае відэа, якое Яўген размясціў у сябу ў Інстаграм. Гуцалава шукаў Следчы камітэт, але мужчына тым часам ужо быў у Турцыі. Тады яго падалі ў міжнародны вышук.
Таццяне Пыцько прад'явілі абвінавачанне па 361-1 УК РБ. Яе гадавалую дачку трымаюць у шпіталі, бо бацька таксама за кратамі
Жонку віцебскага відэааператра-фрылансера вінавацяць за стварэнне экстрэмісцкага фарміравання або за ўдзел у ім. Што стала падставай для абвінавачання, пакуль не вядома. У траўні мінулага году ў Таццяны Пыцько і Вячаслава Лазарава нарадзілася дачка Ева. Пасля таго, як 6 чэрвеня маці затрымалі, яна знаходзіцца ў дзіцячым шпіталі пад наглядам лекараў, бо бацька дзяўчынкі таксама ў СІЗА.
Па крымінальнай справе затрымалі Таццяну Пыцько, жонку палітвязня Вячаслава Лазарава
Віцебскага фрылансера-відэааператара ужо чатыры месяцы трымаюць у СІЗА-2, супраць яго высунута абвінавачанне паводле арт. 361-4 Крымінальнага кодэкса («спрыянне экстрэмісцкай дзейнасці») за сувязь з недзяржаўным СМІ, прызнаным у Беларусі экстрэмісцкім фарміраваннем. У дзень затрымання, 9 лютага, сілавікі правялі ператрусы па месцы прапіскі Лазарава і ў кватэры ягонай жонкі, якая жыла асобна. У абодвух забралі аргтэхніку, але пакуль няма пэўных звестак пра тое, ці па адной крымінальнай справе з мужам затрыманая Таццяна Пыцько.
Палітвязень Арцём Латышаў, асуджаны па справе «віцебскіх перфомансаў», падвяргаецца “ціску”
Арцёма, 1 чэрвеня, чацвёрты раз запар змясцілі ў штрафны ізалятар ВК-2 у Бабруйску. Да гэтага ён прабыў там 30 сутак, пасля чаго вярнуўся ў атрад. Перад апошнім памяшканнем у ШІЗА ад Латышава супрацоўнікі калоніі запатрабавалі прыбраць санвузел, тым самым паспрабаваўшы надаць яму "нізкі статус", аднак Латышаў адмовіўся. Гэта, верагодна, і прычынілася накіраванні ў штрафны ізалятар.
Віцебскаму актывісту Уладзіміру Булаўскаму прысудзілі два гады зняволення ў калоніі
Судовы працэс праходзіў у Першамайскім райсудзе Віцебска. Суддзя Міхаіл Юрчанка прызнаў Булаўскага вінаватым у адпаведнасці з артыкулам 342-2 Крымінальнага Кодэксу (Неаднаразовае парушэнне парадку арганізацыі або правядзення масавых мерапрыемстваў). Бок абвінавачвання напярэдадні запрасіў для актывіста пакаранне ў выглядзе пазбаўлення волі на 2 з паловай гады ў калоніі ва ўмовах агульнага рэжыму. Суд вырашыў пакараць Булаўскага двума гадамі зняволення.
У Віцебску за «здраду дзяржаве» судзяць былога начальніка службы паветранай разведкі
У Віцебскім абласным судзе праходзіць разгляд крымінальнай справы над былым вайскоўцам Валерыем Раманоўскім. Улады абвінавачваюць мужчыну ў здрадзе дзяржаве згодна арт. 356 Крымінальнага кодэкса краіны. Суд пачаўся 12 красавіка і працэс праходзіць пад старшынствам суддзі Яўгена Бурунова, які правёў тры закрытыя пасяджэнні.
Справу палітзняволенай Яны Пінчук пачала разглядаць іншая суддзя
Суд над Янай распачаўся ў Мінгарсудзе 10-га красавіка і праходзіць у закрытым рэжыме, але з допускам сваякоў падсуднай. Па невядомым прычынам, справу стала весці іншая суддзя, Любоў Сімахіна, замест суддзі Таццяны Фалькоўскай.
Крымінальную справу Уладзіміра Булаўскага перадалі ў пракуратуру
Калі ў пракуратуры зробяць высновы, што ніякіх недахопаў у рассладаванні справы віцебскага музыкі і артменеджара няма, то Уладзіміра Булаўскага неўзабаве будуць судзіць. Яго вінавацяць паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх), і ягоная справа звязаная з удзелам у мірных пратэстах у жніўні-верасні 2020г. З 14 снежня мінулага году Булаўскі знаходзіцца ў віцебскім СІЗА-2.