Браслаўчане прапануюць зрабіць бязьвізавы рэжым для турыстаў з ЭЗ, якія едуць адпачыць на Браслаўскія азёры. Гэта мусіць падвысіць прыток валюты ў рэгіён і стаць моцным стымулам для разьвіцьця турызму, гаворыцца ў электронным звароце, апублікаваным на пляцоўцы “Зручны горад”.

4 кастрычніка ў Віцебскім гарвыканкаме адбылася сустрэча актывістаў з шэрагам кіраўнікоў гарадзкіх службаў, а ня толькі з намесьнікам старшыні Віцебскага гарвыканкаму Сяргеем Саглаевым, да якога яны запісаліся на прыём.

Адамаўскі фэст у Вялікіх і Малых Лётцах Віцебскага раёну прайшоў у трэці раз. Але ад звыклага мерапрыемства ў праграме застаўся хіба што канцэрт. У многім зьмяніўшы праграму, фэст, падалося, стаў больш сталым і сур’ёзным.

Цыкль бясплатных трэнінгаў па разьвіцьці турызму пройдзе ў Полацкім раёне і з выездамі за яго межы зь лютага па лістапад па праекце ЭЗ «Падтрымка ўстойлівага разьвіцьця турызму ў Беларусі».

Упраўленьне спорту і турызму Віцебскага аблвыканкаму выдала буклет «Гарадоцкі раён». Буклет можна знайсьці сярод інфармацыйных бясплатных матэрыялаў у турыстычна-інфармацыйным цэнтры, які ўрачыста быў адкрыты ў Гарадку напрыканцы 2016 году.

Згодна з высновамі супрацоўнікаў Віцебскага аддзелу Сьледчага камітэту, 51-гадовая дырэктарка турыстычнай агенцыі прысабечыла звыш 235 тысяч рублёў кліентаў. Крымінальная справа перададзеная пракурору дзеля далейшага накіраваньня ў суд.

Вядомы віцебскі краязнаўца Мікалай Півавар пачаў збор сродкаў на выданьне даведніка “50 музэяў Віцебску”. Кошт кнігі складае 8 рублёў, а дапамагчы выданьню можа кожны ахвотны праз краўдфандынгавы сайт “Улей”.

Турфірма «Бефана», якая больш за 10 гадоў існуе ў Віцебску, закрытая. Больш за 35 заяў прыняў АБЭЗ Кастрычніцкага РАУС Віцебску. Ашуканыя кліенты пазбавіліся ўжо аплачанага адпачынку, прычым некаторыя мусілі адправіцца за мяжу ўжо найбліжэйшымі днямі.

Паводле інфармацыі прэс-службы Фэдэрацыі габрэйскіх грамадаў Расеі, каля 500 юдэйскіх сьвяшчэньнікаў прыедуць 21 жніўня ў Маскву і пабываюць у наступныя дні ў Смаленску, Любавічах (Смаленская вобласьць), Лёзьне і Лядах (Беларусь), а таксама ў Алматы, паведамляе партал «Інтэрфакс-Рэлігія».

Як паведамляюць беларускія турапэратары, у айчынных турыстычных кампаніяў узьніклі складанасьці зь пераводам грошай партнэрам за мяжу праз банкі з расейскім капіталам, прадстаўленыя ў Беларусі. Так, на цэлы тыдзень затрыманы даляравы плацёж праз «Белзьнешэканомбанк» у аднаго з буйных беларускіх турапэратараў.