Пасля першага аўкцыёна, дзе не было ніводнага ахвотнага купіць кватэру актывіста, падчас падрыхтоўкі другога  кошт нерухомасці знізілі  да  113 368 рублёў. Цяпер кошт упаў практычна на 40% у параўнальні з першапачатковым.

Пры гэтым кватэра прадаецца  разам з усёй мэбляй і тэхнікай, што там знаходзіцца. Гэта і лядоўня, і пралка, і дыван, і нават занавескі на вокнах...

Яўген Вільскі - выканаўца абавязкаў старшыні партыі «Народная Грамада», колішні жыхар Наваполацка, які быў вымушаны пакінуць Беларусь пад пагрозай палітычнага пераследу. Летам 2024 года у Брэсцкім абласным судзе яго  завочна асудзілі як «удзельніка экстрэмісцкага фарміравання «Форум дэмакратычных сіл Беларусі».  Вільскага прызналі  вінаватым у змове з мэтай захопу дзяржаўнай улады неканстытуцыйным шляхам і ўдзеле ў экстрэмісцкім фарміраванні. Прысуд -  12 гадоў пазбаўлення волі і штраф памерам 12 тысяч базавых велічынь  ( на той час - 480 тыс.  рублёў). Маёмасць Вільскага ў Наваполацку арыштаваная, яе хочуць прадаць дзеля пагашэння прысуджанага штрафа.

Таццяна Сушкіна