Ксёндз Андрэй Вашчук ужо некалькі гадоў служыць пробашчам у віцебскай парафіі Святога Духа. Ён шмат працуе з моладдзю, не губляе сувязяў, што да рэлігійных справаў, і са сваёй малой радзімай – Браслаўшчынай.

15 ліпеня ён быў затрыманы супрацоўнікамі Першамайскага РАУС, мінулыя выходныя святар правёў за кратамі ў ізалятары часовага ўтрымання. Біскуп Мінска-Магілёўскай архідыяцэзіі Юры Касабуцкі на сваёй старонцы ў Facebook звярнуўся са зваротам да вернікаў, а таксама да святароў з нагоды арышту ксяндза Андрэя Вашчука:

«Хачу папрасіць усіх неабыякавых людзей аб малітве за каталіцкага Святара, ксяндза Андрэя Вашчука, сальватарыяніна, які знаходзіцца за кратамі. Гэта Святар (я свядома пішу гэта слова з вялікай літары ў дачыненні да айца Андрэя) паводле Божага Провіду і высакародны Чалавек. Айцец Андрэй цалкам адданы Богу, Касцёлу і людзям. Служыць усім, аддаючы сябе без рэшты. Мы молімся за ўсіх, каму патрэбна Божая дапамога падчас выпрабаванняў, асабліва ў часе пераследу і рэпрэсій. Наша малітва – гэта сіла і моц, гэта тая «добрая частка», якая не адымецца ў нас ».

Віктар Жукоўскі