Віцебскі “Чырвоны Крыж” заступіцца за пажылых людзей
Адпраўным пунктам рэалізацыі новага сумеснага праекту Беларускага таварыства Чырвонага Крыжа і Аўстрыйскага Чырвонага Крыжа па пашырэньні магчымасьцяў пажылых людзей у прыняцьці рашэньняў па пытаньнях іх паўнавартаснага ўдзелу ў жыцьці грамадзтва стане круглы стол, які адбудзецца 29 лістапада ў Віцебску. Пра гэта паведамілі ў Віцебскай абласной арганізацыі Беларускага таварыства Чырвонага Крыжа.
Доктару Пастнову заявілі, што ён займаецца неліцэнзійнай дзейнасьцю
Віцебскі лекар Ігар Пастноў, вядомы крытыкай мясцовых уладаў, паведаміў, што 26 лістапада яго выклікалі да галоўнага лекара ВАКЦ псыхіятрыі і наркалёгіі Мартынавай, дзе папярэдзілі пра тое, што ён займаецца неліцэнзійнай дзейнасьцю. Прычынай выкліку да кіраўніцтва стала зьяўленьне ў інтэрнэце інфармацыі пра тое, што лекар аказваў мэдычную дапамогу зьбітаму палітыкуСяргею Рыжову. Паколькі пасьля зьняцьця пабояў Рыжову не прызначылі лячэньня, дык яго кансультаваў і рабіў ін’екцыі Пастноў.
Ізноў забаранілі канцэрт Зьмітра Вайцюшкевіча. Цяпер - у Воршы
Выступ знакамітага сьпевака ўваходзіў ў шэраг мерапрыемстваў, прысьвечаных Дню нараджэньня Ўладзімера Караткевіча і мусіў адбыцца ў музэю пісьменьніка 27 лістапада. Адпаведна, і сьпевы, якія павінны былі выконвацца на канцэрце, плянаваліся пераважна на тэксты Ўладзімера Сямёнавіча. Але напярэдадні стала вядома, што канцэрту ня будзе.
Доктар-псыхіятар Ігар Пастноў зьвярнуўся ў Канстытуцыйны суд
Віцебскі доктар Ігар Пастноў, у нядаўнім мінулым пацыент УАЗ «Віцебскі абласны клінічны цэнтар псыхіятрыі і наркалёгіі» накіраваў зварот у Канстытуцыйны суд Рэспублікі Беларусь. Ён просіць Канстытуцыйны суд ініцыяваць праверку Закону Рэспублікі Беларусь № 349-3 «Аб аказаньні псыхіятрычнай дапамогі», у прыватнасьці , яго прэамбулы і артыкулу 40, на адпаведнасьць артыкулам 21, 40 і 62 дзеючай Канстытуцыі краіны.
Валянціна Крук: Ніякіх зьвестак пра нараду ў Полацкім райвыканкаме я не паведамляла
У Полацку разгарэўся скандал, зьвязаны з публікацыяй на нашым сайце інфармацыі пра забаронены ў горадзе канцэрт Зьмітра Вайцюшкевіча. У цэнтры скандалу апынулася Валянціна Крук, дырэктар Полацкага цэнтру рамёстваў і нацыянальных культур, у якім мусіў адбыцца канцэрт сьпевака.
У Смалянах забіты сьвятар. У забойстве абвінавачваецца 22-гадовы мужчына
У вёсцы Смаляны Аршанскага раёну ў ноч на 22 лістапада быў забіты мясцовы праваслаўны сьвятар, настаяцель царквы Праабражэньня Гасподня айцец Аляксандар Марозаў. Аршанскім міжраённым аддзелам Сьледчага камітэту распачатая і расьсьледуецца крымінальная справа па факце забойства сьвятара. Крымінальная справа распачатая на падставе ч. 1 арт. 139 (забойства) КК.
Актывіст з Глыбокага спрабаваў аспрэчыць у судзе забарону пікету
Зьміцер Лупач, актывіст з Глыбокага, спрабаваў праз суд аспрэчыць забарону пікету салідарнасьці з палітвязьнямі. Раённыя ўлады забаранілі пікет, бо ў райцэнтры зьмяніліся месцы для правядзеньня масавых акцыяў. Так было напісана ў афіцыйным лісьце з выканкаму. Але ў судзе раптам “усплыла” іншая прычына, паводле якой забарона ўладаў была прызнана законнай.
У Віцебску зьбіраліся хрысьціянскія дэмакраты
У Віцебску адбылася абласная рада аргкамітэту па стварэньні партыі “Беларуская хрысьціянская дэмакратыя”, на якой прысутнічалі больш за 40 чалавек з Віцебску, Воршы, Полацку, Наваполацку, Глыбокага, Браслава, Бешанковічаў, Сянна, Аршанскага і Віцебскага раёнаў, а таксама сустаршыні БХД Павал Севярынец і Віталь Рымашэўскі. Падчас сустрэчы было абмеркаванае становішча ў Беларусі, адзінства апазыцыі і абраньне адзінага кандыдата, мясцовая кампанія, патрэба маральнай рэвалюцыі ў Беларусі. Апроч таго, адбыўся ўстаноўчы сход грамадзкага аб’яднаньня “Хрысьціянскія дэмакраты Віцебшчыны”.
На пешаходных пераходах Віцебску дзяжураць міліцыянты ў цывільным
Супрацоўнікі міліцыі ў цывільным адзеньні нясуць дзяжурства на пешаходных пераходах Віцебску, паведаміў часова выконваючы абавязкі па пасадзе начальніка ўпраўленьня ДАІ УУС Віцебскага аблвыканкаму Аляксандар Самуль. “Такую форму працы практыкуем ў сувязі з пагаршэньнем становішча на дарогах. З пачатку году з удзелам пешаходаў у вобласьці адбылося каля 160 ДТЗ. Прыкладна ў палове выпадкаў вінаватымі аварыяў былі пешыя ўдзельнікі руху”, - сказаў Аляксандар Самуль.
Кіраўнік партыі «Белая Русь» скардзіцца генпракурору
«Экзэкуцыя доўжылася 4 гадзіны. Увесь гэты час мяне абражалі нецэнзурнай лаянкай. Часам я страчваў прытомнасьць, часта гучна чытаў малітву. Гэта яшчэ больш раздражняла катаў у пагонах, і тады я працягваў чытаньне малітвы моўчкі. Мне дапамагала гэта перанесьці боль. Пасьля 4 гадзін катаваньняў я падпісаў пратакол і яшчэ 4 невядомыя мне дакумэнты», – напісаў у сваёй скарзе Сяргей Рыжоў.