Прадпрымальнікаў Воршы душаць арэнднай платай і падаткамі
Прадпрымальнікі, якія працуюць на рынках у Воршы, абураюцца высокай арэнднай платай і падаткамі. Кожны месяц ім трэба заплаціць ня менш за 10 мільёнаў рублёў. Пра гэта паведаміў адзін з чытачоў сайту “Хартыя ‘97″.
Віцебскі аблвыканкам цікавіцца сябрамі Беларускай асацыяцыі журналістаў
Аддзел ідэалёгіі Віцебскага аблвыканкаму праінфармаваў рэдакцыі мясцовых газэтаў, хто з супрацоўнікаў зьяўляецца сябрам БАЖ, а хто толькі зьбіраецца ўступіць у «непажаданую» арганізацыю. Асобных журналістаў выклікалі ў аблвыканкам для тлумачэньняў наконт сяброўства ў ГА «Беларуская асацыяцыя журналістаў». Калегі сышліся на думцы, што няйнакш гэтая цікаўнасьць зьвязаная з будучымі выбарамі.
Палітвязьню Андрэю Гайдукову далі сустрэцца з маці
Андрэю Гайдукову, які адбывае пакараньне ў Магілёўскай калёніі № 19, дазволілі кароткатэрміновае спатканьне зь сям’ёй. Пра гэта паведаміла яго маці Вольга Гайдукова: «Крыху лепш сталі ісьці лісты. Мы таксама стэлефаноўваемся дзесьці раз на 10 дзён. У прынцыпе ён трымаецца нармальна. Чакаем, калі вернецца дадому”, - сказала яна.
У Віцебску зноў судзіліся з-за забароны пікету…
У судзе Першамайскага раёну Віцебску адбыўся разгляд скаргі Аляксея Гаўруцікава і Хрыстафора Жаляпава. Яны патрабавалі прызнаць незаконнай забарону Першамайскай адміністрацыяй гораду пікету салідарнасьці з палітвязьнямі, які не адбыўся 10 сьнежня. Суд адмовіў актывістам.
У Віцебскім ІЧУ памёр затрыманы за дробнае хуліганства
Пры правядзеньні маніторынгу месцаў прымусовага ўтрыманьня, прыватнай культурна-асьветніцкай установай «Платформ інавэйшан» выяўлены факт раптоўнай сьмерці адміністрацыйна-затрыманага за парушэньне артыкулу 17.1 Кодэксу аб адміністрацыйных правапарушэньнях Рэспублікі Беларусь пяцідзесяцігадовага грамадзяніна Кудзелкі Ігара Паўлавіча.
Колькасьць турыстаў у Віцебскай вобласьці скарацілася ў разы
Віцебшчына адной зь першых уключылася ў разьвіцьцё сельскага турызму і на працягу некалькіх гадоў цешыла прыростам колькасьці сядзіб, разнастайнасьцю прапанаваных паслуг. Колькасьць прапаноў адпачынку на прыродзе ў калядныя і навагоднія сьвяты цягам пэўнага часу пастаянна расла. Шмат замоваў ад індывідуальных гасьцей і цэлых кампаніяў было ў сэзоне 2012-2013 гг. Аднак цяперашні сэзон прымусіў некаторых гаспадароў «хатак у вёсцы» патурбавацца.
Пракуратура Віцебскай вобласьці выявіла парушэньні пры распараджэньні дзяржаўнай маёмасьцю
Пракуратура выявіла парушэньні пры распараджэньні дзяржмаёмасьцю ў Віцебскай вобласьці, паведаміла старшы памочнік пракурора Віцебскай вобласьці Натальля Сеўрукова, камэнтуючы вынікі праведзенай праверкі: “Асобныя парушэньні заканадаўства аб распараджэньні нерухомай маёмасьцю сьведчаць пра недастатковы кантроль з боку мясцовых выканкамаў за распараджэньнем камунальнай уласнасьцю”, - сказала Натальля Сеўрукова.
У Гарадку знайшлі ахвярнага казла, вінаватага ў хваляваньнях сярод прадпрымальнікаў
Старшыня Гарадоцкага райпо Натальля Палюховіч, якая не падрыхтавала месца для рынку па вуліцы Спартыўнай у Гарадку ў адпаведнасьці з патрабаваньнямі заканадаўства, пазбаўленая працы. Усё адбылося нібыта “па ўласным жаданьні” звольненай. Яна не дапрацавала месяц да свайго 60-годзьдзя.
Органы апекі і інспэкцыя па справах непаўнагадовых цікавяцца месячным сынам Вольгі Карач
Лідэр кампаніі «Наш Дом» Вольга Карач разам з мужам і сынам Сьвятаславам, які нарадзіўся 3 сьнежня, днямі прыехалі на радзіму, у Віцебск. Праз тыдзень пасьля прыезду да Вольгіных бацькоў прыйшла праверка. У кватэру, дзе прапісаная Вольга Карач, зьявіліся прадстаўнікі органаў апекі Кастрычніцкага раёну Віцебску і раённай камісіі па справах непаўналетніх.
Кіраўнікоў прадпрыемстваў выхвасталі за няўвагу да крытыкі ў дзяржаўнай прэсе
Шэраг кіраўнікоў прадпрыемстваў і арганізацыяў Віцебскай вобласьці прыцягнутыя да адказнасьці за парушэньне патрабаваньняў указу № 630 “Аб рэагаваньні службовых асоб на крытычныя выступы ў дзяржаўных сродках масавай інфармацыі”. Факты парушэньняў выяўленыя Камітэтам дзяржкантролю падчас правядзеньня кантрольных мерапрыемстваў.