Як і ўсюды па краіне, у Віцебску завяршыўся этап збору ініцыятыўнымі групамі подпісаў выбаршчыкаў па рэгістрацыі прэтэндэнтаў кандыдатамі ў прэзыдэнты краіны. Такім чынам, выбарчая кампанія выйшла на новы ўзровень, і можна ацаніць якасьць працы каманд меркаваных кандыдатаў на найвышэйшую дзяржаўную пасаду краіны.

Пад чарговымі заяўкамі на правядзеньне пікетаў, пададзенымі ў адміністрацыі Чыгуначнага і Першамайскага раёнаў Віцебску, стаяць подпісы пяцёх актывістаў Кансэрватыўна-хрысьціянскай партыі БНФ. Але надзеі на тое, што ўлады нарэшце дазволяць ім акцыі, мала.