“Свабоду палітзьняволеным!”, “Свабоду Зьмітру Паліенку!”, “Патрабуем правасудзьдзя!” – з такімі лёзунгамі 26 верасьня віцябляне пікетавалі ў цэнтры гораду. Перадвыбарчы пікет ладзіла ініцыятыўная група старшыні гарадзкой арганізацыі АГП Ірыны Яскевіч.

Ад пачатку верасьня Полацкая падатковая інспэкцыя пачала праяўляць надзвычайную цікавасьць да першаснай арганізацыі Свабоднага прафсаюзу Беларускага работнікаў ААТ “Полацак-Шкловалакно”. Падатковая інспэкцыя вельмі хоча здабыць зьвесткі аб службовых асобах пяршоўкі СПБ.