20 лістапада ў Вільні ў межах форума Future of Democracy прайшла акцыя падпісання паштовак для беларускіх палітвязняў #FreedomLetters, якая была сумесна арганізаваная МЗС Літвы і ПЦ “Вясна”. Напачатку дня міністр замежных спраў Літвы Габрыэлюс Ландсбергіс распавёў пра сітуацыю з парушэннем правоў чалавека ў Беларусі, падпісаў і даслаў праз адмысловую скрыню паштоўку для 19-гадовай палітзняволенай Віталіі Бандарэнка, якая была асуджаная на чатыры гады пазбаўлення волі за ўдзел у мінулагодняй акцыі пратэсту ў Брэсце.
- Міністр замежных спраў Літвы Габрыэлюс Ландсбергіс
Таксама Ландсбергіс запісаў відэазварот, якім заклікаў усіх жадаючых далучыцца да акцыі:
- напісаць і адправіть ліст палітвязням у Беларусі;
- зрабіць фота і змясціць яго ў сацсетках;
- выкарыстоўваць хэштэг #FreedomLetters.
Падчас форуму паштоўкі са словамі падтрымкі да розных палітзняволеных, у тым ліку для арыштаваных сябраў “Вясны” Алеся Бяляцкага, Уладзіміра Лабковіча, Валянціна Стэфановіча, Марфы Рабковай, Леаніда Судаленкі, Таццяны Ласіцы і Андрэя Чапюка, падпісалі дыпламаты і праваабаронцы з розных краінаў.
- Сімвалічны "хросны" Паўла Севярынца
- Дырэктар праектаў фонда Freedom House Віціс Юрконіс. Фота з твітара Віціса Юрконіса
- Расійскі эканаміст Сяргей Гурыеў
- Сімвалічная "хросная" Леаніда Судаленкі, дэпутатка Літоўскага парламента Лайма Андрыкене
- Актывіст з Ганконгу Натан Лоў
- Бо Тедардс, дырэктар Дэпартамента міжнароднага супрацоўніцтва (Тайвань)
Пішыце лісты падтрымкі і паштоўкі салідарнасці палітвязням Беларусі!
Спіс палітзняволеных
"Хачу напісаць вязню!" Распавядаем, як гэта зрабіць
Крыніца: Акцыя #FreedomLetters для беларускіх палітвязняў прайшла ў Вільні Фота