У ноч з 28 на 29 кастрычніка пры перасячэнні дзяржаўнай мяжы Беларусі была затрыманая група анархістаў. Сярод іх — Ігар Аліневіч, Дзмітрый Разановіч і яшчэ адзін чалавек, прозвішча якога пакуль невядомае. Цяпер усе затрыманыя знаходзяцца ў СІЗА КДБ.
Дзмітрый Разановіч змог патэлефанаваць сваякам і паведаміць, што ім прад'яўляюць абвінавачванне па арт. 289 "Акт тэрарызму" і арт. 295 "Незаконны абарот зброі" КК РБ, піша суполка dissidentby.
Першапачаткова паведамлялася, што Ігар Аліневіч ўязджаў у Беларусь. Але ў рэальнасці аказалася, што яго затрымалі на выездзе з краіны.