Кампанія па зборы паручальніцтваў ад грамадзян за вызваленне праваабаронцы “Вясны” Марфы Рабковай працягваецца. На дадзены момант хадайніцтва аб змяненні меры стрымання Марфы Рабковай, не звязанай з пазбаўленнем волі, падпісалі амаль 150 чалавек. У межах кампаніі паручылася за праваабаронцу "Вясны" вядомая 73-гадовая палітычная актывістка Ніна Багінская. Актывістка лічыць, што ў такія складаныя часы ў Беларусі важна праяўляць салідарнасць з беларусамі, якія пераследуюцца па палітычных матывах, усімі магчымымі спосабамі. Праваабаронца "Вясны" Марфа Рабкова ўтрымліваецца ў Следчым ізалятары №1 Мінска ўжо больш двух тыдняў. Праваабаронцы "Вясны" лічаць, што спробы абвінаваціць Марфу Рабкову ў падрыхтоўцы масавых беспарадкаў з’яўляюцца неабгрунтаванымі, надуманымі і палітычна матыванымі, накіраванымі на перашкоду яе праваабарончай дзейнасці. Палітычна матываваны пераслед Марфы Рабковай адбываецца на фоне бязлітаснай вайны, якую улады абвясцілі ўсяму беларускаму грамадству. 

Ніна Багінская падпісвае паручальніцтва за Марфу Рабкову. Фота: spring96.org

Ніна Багінская падпісвае паручальніцтва за Марфу Рабкову. Фота: spring96.org

Калі вы таксама лічыце, што змяшчэнне праваабаронцы "Вясны" Марфы Рабковай у СІЗА неабгрунтаванае, запаўняйце хадайніцтвы і перадавайце яго ў “Вясну” для падачы ў Следчы камітэт і суд. Зрабіць гэта яшчэ можна сёння, 8 кастрычніка, да 21 гадзіны на офісе "Вясны" па адрасе: г. Мінск, праспект Незалежнасці, 78А-48.

Узор падпіскі, які можна спампаваць і запоўніць, мы пакінулі пад матэрыялам. 

На падставе Вашых паручальніцтваў праваабаронцу "Вясны" Марфу Рабкову могуць вызваліць з-пад варты. 

Бацькам Марфы Рабковай патрэбен догляд: падпішыце паручальніцтва за яе вызваленне з-пад варты

Працягваецца кампанія па зборы паручальніцтваў ад грамадзян за вызваленне праваабаронцы “Вясны” Марфы Рабковай з-пад варты. Марфа ўтрымліваецца ў Следчым ізалятары №1 Мінска.

Нагадаем, каардынатарка Валанцёрскай службы ПЦ “Вясна” Марфа Рабкова была затрыманая 17 верасня ў Мінску. Ёй прад'яўлена абвінавачванне па ч.3 арт. 293 Крымінальнага кодэкса — навучанне ці іншая падрыхтоўка асоб для ўдзелу ў масавых беспарадках, альбо фінансаванні такой дзейнасці. Цяпер Марфа знаходзіцца пад вартай у СІЗА №1 у Мінску. Санкцыя артыкула, які ёй інкрымінуецца, прадугледжвае арышт або пазбаўленне волі на тэрмін да трох гадоў. Марфа прызнаная палітычнай зняволенай і вязнем сумлення.

Фотафакт. Ніна Багінская паручылася за праваабаронцу "Вясны" Марфу Рабкову

Крыніца: Фотафакт. Ніна Багінская паручылася за праваабаронцу "Вясны" Марфу Рабкову