У судзе Кастрычніцкага раёна Мінска 2 верасня пасля абеду разглядаюцца адміністрацыйныя справы супраць журналістаў, якія затрымалі падчас студэнцкіх акцый пратэстаў у Дзень ведаў. Сярод іх – журналісты TUT.BY Аляксей Суднікаў і Надзея Калініна, “Камсамольскай праўды” Мікіта Дубалека (Недаверкаў), Марыя Элешэвіч, Сяргей Шчогаль, а таксама журналіст БелаПАН Андрэй Шаўлюга. Усіх абвінавачваюць ва ўдзеле ў несанкцыянаванай акцыі пратэсту паводле арт. 23.34 КаАП. Ноч журналісты правялі ў Кастрычніцкім РУУСе. Справы журналістаў чакаліся ў судзе Кастрычніцкага раёна зранку, але ў спісе раскладу разгляду адміністрацыйных справаў яны з'явіліся толькі пасля абеду. Пасля абеду ў судзе Кастрычніцкага раёна сабралася больш за 20  журналістаў і журналістак, якія прыйшлі падтрымаць калегаў. Адразу стала вядома, што прызначаны суд у суддзі А. Рудэнка над журналістамі TUT.BY Аляксея Суднікава і Надзеі Калінінай. Адразу стала вядома, што справы вяртаюць у Кастрычніцкае РУУС "для ліквідацыі недахопаў". Але саміх журналістаў адразу не адпусцілі з Кастрчыніцкага РУУС.

Журналісты перад разглядам справы журналісткі КП Марыі Аляшэвіч

Пасля абеду пачаўся суд над журналістам БелаПАН Андрэем Шаўлюгам. Яго справу разглядае суддзя А. Рудэнка. Справу суд разглядае праз скайп.

Журналіст Белапан Андрэй Шаўлюга. Фота: "Радыё Свабода"

Каля 15:00 гадзін стала вядома, што суддзя В. Няборская адправіла на "дапрацоўку" справы журналістаў "Камсамольскай праўды" Мікіты Дубалекі і Сяргея Шчогаля. Але іх, як і журналістаў TUT.BY, з Кастрычніцкага РУУС не спяшаюцца выпускаць.

Тут жа суддзя В. Няборская прызначыла разгляд справы трэцяй затрыманай журналісткі на акцыі пратэсту студэнтаў 1 верасня Марыі Аляшэвіч.

Суд над журналісткай "Камсамольскай праўды" Марыі Аляшэвіч

Журналістка КП Марыя Аляшэвіч

Журналістку, як і іншых абвінавачваюць па арт. 23.34 КаАП. Сведкі ў суд не з'явіліся, Марыя віну не прызнае.

"Была па рэдакцыйным заданні, была пазначаная бэйджам", — тлумачыць сваё месцазнаходжанні на акцыі журналістка. Таксама яна кажа, што падчас акцый трымалася ў баку акцыі, выконваючы сваю працу.

Марыя распавядае, што яе затрымлівалі супрацоўнікі АМАПу, каб, па іх словах, праверыць акрэдытацыю журналістаў.

"Значыць падыходзілі да мяне не як да ўдзельніцы шэсця, а як да журналісткі", — адзначае на судзе Марыя. 

У момант затрымання са мной былі Сяргей Шчогаль, Мікіта Дубалека (Недаверкаў). Адвакат заявіў хадайніцтва аб выкліку іх. 

Марыя распавядае ў судзе, што ў першыя пару гадзін у РУУСе сапраўды казалі, што правяраюць акрэдытацыі, але ўвечары сказалі, што складаюць пратаколы, і іх пакідаюць на ноч.

Крыніца: У Мінску судзяць журналістаў за ўдзел у акцыях пратэсту Фота