Валанцёры і валанцёркі Валанцёрскай службы «Вясны» працягваюць маніторыць суды ў Мінску і некаторых рэгіёнах. Па афіцыйных дадзеных падчас мірных акцый пасля выбараў па усёй Беларусі былі затрыманыя каля трох тысяч чалавек. «Вясна» працягвае збіраць дадзеныя пра гэтых людзей у Мінску і рэгіёнах. 10 жніўня чакалася, што над імі адбудуцца суды.
Суды ў Мінску і рэгіёнах 10 жніўня. Спісы
З учарашняга дня вядома, што ў Жодзіна працягваецца практыка судоў прама ў будынках ізалятара і турмы. Там адбываецца судовы канвеер, якім бяруць удзел суддзі з навакольных гарадоў і некалькіх раённых судоў сталіцы. Вядома, што 10 жніўня ў Жодзіна асудзілі 20 чалавек. У асноўным, затрыманых мужчын асудзілі на 10 сутак. Вядома, што пяць чалавек адпусцілі на волю. Інфармацыі пра прозвішчы асуджаных і ў чым канкрэтна іх абвінавацілі няма.
Па інфармацыі валанцёраў «Вясны», там усіх судзяць па арт. 17.1 КаАП (дробнае хуліганства). Калі чалавек прызнае віну, то яго адпускаюць. Таксама тыя, хто выйшаў з ізалятара паведамляе пра вельмі дрэнныя ўмовы ўтрымання.
Валанцёры "Вясны" з мінскіх судоў паведамляюць наступныя вядомыя вынікі:
Суд Кастрычніцкага раёна Мінска:
- Назіральніца Марта-Дарыя Клінава – 15 сутак (арт. 17.1, 23.4 КаАП, суддзя Рудэнка)
- Назіральніца Дарына Рэўт,
- Перакладчыца Ганна Шамко – 42 базавыя штрафу;
- Наталля Дзянісава (суддзя Лаўрыновіч) – 30 базавыя штрафу;
Суд Партызанскага раёна Мінска:
- назіральнік Аляксандр Лускін (арт. 23.4, 17.1 КаАП, суддзя Кочык) – 25 сутак арышту;
- Дзмітрый Бахановіч (арт. 17.1 і 23.4 КаАП за 9 жніўня) – 25 сутак.
Праваабаронцам "Вясны" паведамляюць, што на затрыманых на Камароўскім рынку склалі пратаколы па 23.34 КаАП. Адразу выдалі позву ў суд на 19-ае жніўня ў суд Першамайскага раёна Мінска.
Магілёў
Таксама судовы канвеер 11 жніўня працягваецца і ў Магілёве. Усіх затрыманых падчас акцый пратэсту судзяць наўпрост у памяшканні ізалятары. Суды праходзяць фактычна ў закрытым рэжыме. Усіх судзяць па ч. 1 арт. 23.34 КаАП.
"Вясне" вядомыя наступныя вынікі судоў:
- М. Бабічаў – 15 сутак;
- А. Кавалёў – 10 сутак;
- І. Рудніцкі – 15 сутак;
- К. Жыланоў – 10 сутак;
Бабруйск
- Галіна Смірнова – суд аб'явіў перапынак да 20 жніўня, актывістку адпусцілі на волю;
- Андрэй Абрамовіч – 20 базавых штрафу.
Ворша
- Екацярына Гарэлікава – па арт. 23.34 КаАП (за ўдзел у акцыі 9 жніўня) – 25 базавых штрафу;
- Аляксандр Гарэлікаў – па арт. 23.34 КаАП (за ўдзел у акцыі 9 жніўня) – 7 сутак арышту;
- Аляксандр Школьнікаў – суд адправіў справу на дапрацоўку 10 жніўня.
Інфармацыя дапаўняецца і ўдакладняецца.
Калі вас ці вашых знаёмых затрымалі на акцыі пратэсту паведамляйце пра гэта праваабаронцам "Вясны" праз тэлеграм-бот @viasna_bot ці на гарачую лінію:
- +375 29 543 38 66 (у тым ліку Viber),
- @ViasnaSOS — тэлеграм.
- + 375 17 377 55 40
Спісы затрыманых:
Спіс затрыманых 9 і 10 жніўня ў Мінску
Спіс затрыманых у рэгіёнах Беларусі 9 і 10 жніўня
Крыніца: Да 25 сутак, судовыя канвееры ў ізалятарах. Суды 11 жніўня ў Мінску і рэгіёнах