Сёння, 26 траўня, у судзе Ленінскага раёна горада Брэста распачаўся судовы працэс над праваабаронцам Раманам Кісляком. Суд над ім распачынаўся яшчэ 14 траўня, але пераносіўся. Вінавацяць Кісляка ў несанкцыянаваным удзеле ў масавых мерапрыемствах 12 красавіка і 3 траўня (шэьце “кармленне галубоў”). Але праваабаронца падкрэслівае, што быў на гэтых сходах у якасці менавіта назіральніка, а не ўдзельніка.
Справу Рамана Кісляка разглядае суддзя Семянчук. А сведкай выступае міліцыянт Андрэй Валасюк (які дарэчы выступаў і сведкай на паседжанні праваабаронцы Уладзіміра Вялічкіна).
На судзе Раман Кісляк хадайнічаў аб далучэнні да матэрыялаў справы яшчэ адну скаргу, дзе указвае на парушэнне сваіх правоў: яго адвольна затрымалі, яму не давалі сустрэцца з адвакатам і дэзынфармавалі яго. Маці Кісляка Розе не паведамлялі, дзе знаходзіцца яе сын. Само затрыманне Раман Кісляк лічыць гвалтоўным знікненнем, а таксама падкрэслівае яго прэвентыўны характар — бо менавіта з-за яго Кісляк не змог падаць дакументы на рэгістрацыю прэтэндэнтам у кандыдаты ў прэзідэнты. Праваабаронца патрабуе высвятлення, хто яго затрымліваў і па якой прычыне.
Хадайніцтва прынятае і будзе ўлічана пры прыняцці рашэння.
Таксама Раман Кісляк узгадаў на судзе, як яго затрымлівалі (было шэта 8 траўня пасля шэсця “кармлення галубоў” у Брэсце) за нібы непадпарадкаванне супрацоўнікам органаў. Па словах праваабаронцы, да яго падышлі супрацоўнікі і сказалі, што таго трэба запытаць у машыне. Праваабаронца прапанаваў гэта зрабіць на лавачцы. Але тыя не пагадзіліся — і ўзялі таго пад рукі і пацягнулі да машыны. Раману Кісляку стала кепска, яго ногі падкасіліся. Гэта і паслужыла прычынай непадпарадкавання.
Таксама праваабаронца яшчэ раз падкрэсліў, што не ўдзельнічаў у шэскі 8 траўня, а ажыццяўляў маніторынг:
“Мая задача — фіксаванне затрыманняз падчас масавых мерапрыемстваў. Удзельнічаць у мерапрыемствах я не магу паводле правілаў праваабаронцаў”.
Рухаўся Раман Кісляк паралельна з калонай, а не знутры яе. Міліцыя пры гэтым не ўмешвалася і не папярэджвала аб адказнасці ва ўдзеле ў несанкцыянаваным масавым мерапрыемстве.