Сустрэча дырэктара Бюро па дэмакратычных інстытутах і правах чалавека (БДІПЧ) АБСЕ Інгіб’ёрг Сольтрун Гісладоцір з беларускімі праваабаронцамі адбылася 26 лютага ў Мінску.
У сустрэчы прынялі ўдзел старшыня Праваабарончага цэнтру "Вясна" Алесь Бяляцкі і старшыня Беларускага Хельсінкскага камітэту Алег Гулак.
Пад час размовы было абмеркаванае становішча з правамі чалавека ў Беларусі, асобна былі агучаныя пытанні пераследу па палітычных матывах, рэалізацыя права на распаўсюд меркаванняў, права на мірныя сходы, назіранне падчас выбараў ды іншыя.
Праваабаронцы таксама выказаліся пра патрэбу ў павялічэнні актыўнасці АБСЕ у Беларусі.
Сустрэча прайшла ў цёплай атмасферы.
Крыніца: Беларускія праваабаронцы сустрэліся з дырэктаркай БДІПЧ АБСЕ