Кампаніі “Праваабаронцы за свабодныя выбары” назіральнікі працягваюць паведамляць пра інцыдэнты з выбарчых участкаў.

Каля 18:00 на ўчастак для галасавання №6 Калінкавіцкай выбарчай акругі №41, прыйшла жанчына з двума пашпартамі.

“Сябра камісіі, паглядаючы ў мой бок, адмовіла ёй галасаваць за іншага”, — распавядае назіральнік з гэтага ўчастка Андрэй Мядзведзяў.

Яна, прагаласаваўшы, падыйшла да назіральнікаў і пачала прасіць: "Ну дазвольце прагаласаваць за мужа. Ён выпіўшы, я яго закрыла ў кватэры". Назіральнікі ёй распавялі, што выбары — гэта права чалавека, а не абавязак. Але яна стаяла на сваім:

"Ага! Яму на працы сказалі, што штраф будзе, калі не прагаласуе. Ну дайце я за яго прагаласую".

У выніку пераканалі, што штрафу не будзе і жанчына сыйшла.

Пазней на гэты ж участак прыйшлі муж і жонка. У ведамасці атрымання бюлетэняў за мужа Леаніда Станько ўжо стаіць подпіс - быццам бы ён ужо прыходзіў на датэрміновае галасванне і прагаласаваў. А ён не прыходзіў.

Як праходзіць асноўны дзень галасавання на парламенцкіх выбарах? Лічбы, факты, інцыдэнты.

Сёння, 17 лістапада, - асноўны дзень галасавання на выбарах дэпутатаў Палаты прадстаўнікоў сёмага склікання. Па дадзеных Цэнтрвыбаркама, у датэрміновым галасаванні, якое прайшло з 12 па 16 лістапада, прыняла ўдзел 35,77% выбаршчыкаў ад уключаных у спісы грамадзян (ад 6 859 866 чалавек). Аднак незалежныя назіральнікі кожны дзень фіксавалі факты прымусу да галасавання (у асноўным студэнтаў) і завышэнне яўкі выбаршчыкаў.

“Праваабаронцы за свабодныя выбары”.

Навіны кампаніі ў фэйсбуку, твітэры і на Тэлеграм-канале

Крыніца: Калінкавіцкая анамалія: за аднаго прагаласавалі на датэрміновым, а другі адправіў галасаваць жонку Дапоўнена