Супрацоўнік міліцыі Міхаіл Грамыка 30 чэрвеня падтрымаў абаронцаў Курапатаў і неўзабаве быў звольнены, паведамляе "Новы час". Потым асуджаны на суткі, якія цяпер адбывае ў ЦІП на Акрэсціна, дзе да гэтага працаваў.

Пра гэта паведаміў актывіст Леанід Кулакоў падчас круглага стала па абароне Курапатаў, што адбыўся 12 ліпеня на сядзібе БНФ. Невядома, калі дакладна быў звольнены Міхаіл Грамыка, у які дзень адбыўся суд і які тэрмін ён атрымаў. Але вядома, што яго павінны вызваліць 15 ліпеня.

На дадзены момант (12 ліпеня) за кратамі застаюцца таксама абаронцы Курапатаў Максім Вінярскі (вызваліцца 13 ліпеня) і Аляксей Туровіч (вызваліцца 14 ліпеня).

Крыніца: Экс-супрацоўнік ЦІП на Акрэсціна адбывае там тэрмін за абарону Курапатаў