12.08.2024 Тэгі: суды, крымінальны пераслед У Наваполацкім гарадскім судзе восьмага жніўня асудзілі Дзмітрыя Шалака паводле ч. арт. 368 (абраза Лукашэнкі) і арт. 369 (абраза прадстаўніка ўлады) Крымінальнага кодэкса. Суддзя Таццяна Хрыпач прызначыла Дзмітрыю тры гады і шэсць месяцаў калоніі ва ўмовах агульнага рэжыму. А таксама штраф памерам 200 базавых велічыняў (8000 рублёў).

Дзмітрый Шалак

На прысуд звярнуў увагу тэлеграм-канал "Витебск, я гуляю!".

Навапалачаніна абвінавацілі ў тым, што ён з ліпеня 2021 па красавік 2022 года ў розных тэлеграм-групах пакідаў каментары ў бок Лукашэнкі і прадстаўнікоў улады, паведаміла прэс-служба Вярхоўнага суда. Мужчына цалкам прызнаў віну.

Летам 2023 года Дзмітрыю прызначалі адміністрацыйны арышт, пасля чаго затрымалі ў межах крымінальнай справы. Паводле судовага раскладу, супраць Дзмітрыя агулам прайшло два суды па тых жа самых артыкулах. Першы – яшчэ ў лютым 2024 года.  

Дзмітрый Шалак – супрацоўнік прадпрыемства "Нафтан", а таксама бубнач наваполацкага гурта Paranoia Dolls.

Крыніца: Наваполацкага бубнача асудзілі на 3,5 гады па двух дыфамацыйных артыкулах