17.10.2023 Тэгі: суды, крымінальны пераслед, палітвязні У судзе Першамайскага раёну Мінска 29 верасня асудзілі палітзняволеную Дар’ю Тарасевіч паводле ч. 1 арт. 342 (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Наталля Дзядкова прызначыла Дар’і тры гады абмежавання волі без накіравання ў папраўчую ўстанову адкрытага тыпу ("хатняй хіміі").

Акцыя пратэсту ў Мінску ў 2020 годзе. Выява новіць ілюстатыўны характар. Фота: spring96.org

Дар’ю абвінавацілі ва ўдзеле ў акцыях пратэсту ў Мінску ў 2020 годзе, а таксама ў выхадзе на праезную частку праспекта Незалежнасці і перакрыцці руху грамадскага транспарту. Палітзняволеная цалкам прызнала віну. Яе апазналі ў тым ліку па фотаздымках у Instagram.

Да суда Дар’я ўтрамлівалася пад вартай. Пасля абвяшчэння выраку яе вызвалілі ў судовай зале.

Крыніца: Палітзняволеную асудзілі па сямі эпізодах "народнага" артыкула на тры гады "хатняй хіміі"