11.10.2023 Тэгі: суды, крымінальны пераслед, палітвязні У Гродненскім абласным судзе 9 кастрычніка па справе "Чорнай кнігі Беларусі" да васьмі гадоў калоніі ва ўмовах узмоцненага рэжыму асудзілі 35-гадовага палітзняволенага Аляксандра Юшкевіча. Такі прысуд паводле ч. 3 арт. 130 Крымінальнага кодэкса (распальванне іншай сацыяльнай варожасці) вынес Дзмітрый Бубенчык. 

Вядома, што Аляксандра затрымалі 18 красавіка 2023 года і змясцілі пад варту. Да суда ў гродненскай турме № 1 ён утрымліваўся пяць месяцаў. Усяго па справе адбылося шэсць судовых пасяджэнняў. 

Падтрымайце палітвязня пасылкамі, лістамі і грашовымі пераводамі: турма № 1, 230023, г. Гродна, вул. Кірава, 1, Аляксандр Станіслававіч Юшкевіч

Крыніца: У Гродне па справе "Чорнай кнігі Беларусі" палітвязня асудзілі да 8 гадоў калоніі