02.06.2023 Тэгі: суды, крымінальны пераслед У судзе Дзяржынскага раёна 18 траўня асудзілі Таццяну Радчанку паводле ч. 1 арт. 342 (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Таццяна Фядчук прызначыла Таццяне два гады абмежавання волі без накіравання ў папраўчую ўстанову адкрытага тыпу (“хатняй хіміі”).

Фота ілюстратыўнае

Таццяну затрымалі 24 студзеня 2023 года і ўтрымлівалі да суда пад вартай. Першапачаткова яе абвінавачвалі паводле чатырох крымінальных артыкулаў дыфамацыйнага характару. Але пазней пакінулі толькі ч.1 арт. 342 КК.

Жанчына цалкам прызнала віну і раскаялася ў здзейсненым. Пасля абвяшчэння прысуду яе вызвалілі ў зале суда.

Крыніца: Жанчыну асудзілі на два гады "хатняй хіміі" па "народным" артыкуле