11.04.2023 Тэгі: суды, крымінальны пераслед Суд Жлобінскага раёна 31 сакавіка вынес прысуд мясцоваму жыхару Уладзіславу Бохану, абвінаваціўшы яго ў арганізацыі і падрыхтоўцы дзеянняў, якія груба парушаюць грамадскі парадак, ало ўдзеле ў іх (ч. 1 арт. 342 Крымінальнага кодэкса).

Справу разглядала суддзя Святлана Андрэева.

Па матэрыялах абвінавачання, Уладзіслаў Бохан прыняў актыўны ўдзел у паслявыбарчай акцыі пратэсту, якая адбылася ў гораадзе ў ноч з 9 на 10 жніўня 2020 года, заступаў шлях транспартным сродкам, непадпарадкоўваўся законным патрабаванням супрацоўнікаў міліцыі, выкрыкваў лозунгі.

Суд прызнаў Бохана вінаватым і пастанавіў пакараць яго абмежаваннем волі з накіраваннем ва ўстанову адкрытага тыпу тэрмінам на два гады.

Па гэтым артыкуле зараз знаходзяцца ў няволі 494 чалавекі, прызнаных праваабаронцамі ў якасці палітычных зняволеных.

Крыніца: За ўдзел у паслявыбарчай акцыі пратэсту ў Жлобіне пакаралі “хіміяй” Уладзіслава Бохана