У Слоніме у першы дзень датэрміновага галасавання на адным з участкаў назіральнікамі зафіксаваная занадта высокая яўка выбаршчыкаў.  На ўчастку №3 па Камсамольскай акрузе, які размешчаны ў сярэдняй школе №2, згодна з пратаколам аб датэрміновым галасаванні, у гэты дзень прагаласавала ажно 162 чалавекі. Амаль ўсе яны з’яўляюцца студэнтамі медыцынскага каледжа.

Фота з сайту газеты "Слонімскі веснік"

Як сведчаць назіральнікі, студэнты прыходзілі арганізаванымі групамі. Цікава, што на сайце слонімскай раённай газеты “Слонімскі веснік” у той жа дзень з’явіўся артыкул, які распавядае, як навучэнцы каледжа “праявілі актыўную грамадзянскую пазіцыю” у першы дзень датэрміновага галасавання.   

Крыніца: Слонім: студэнты-выбаршчыкі “праяўляюць актыўную грамадзянскую пазіцыю”