У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 18 лістапада збірае апошнія факты палітычнага пераследу беларусаў – інфармацыя ўвесь час дапаўняецца.

У СК назвалі прозвішчы новых абвінавачаных, у дачыненні да якіх будзе адкрыта спецвытворчасць

Старшыня СК Беларусі Дзмітрый Гара ўдакладніў, што пад дадзенымі характарыстыкамі ён мае на ўвазе таксама Пуціла, BYPOL і людзей, якія далучыліся да гэтай арганізацыі.

«У тым ліку і здраднік Лупаносаў, які праходзіў службу ў праваахоўных органах. І ў канчатковым выніку здзейсніў здраду дзяржаве, здрадзіў і дзяржава, і народ», — падкрэсліў Гара, дадаўшы, што назваў прозвішчы асноўных фігурантаў спраў «экстрэмісцкай накіраванасці».

Станіслаў Лупаносаў працаваў у ГУБАЗіК з ліпеня 2020 года, пасля выбараў звольніўся і з'ехаў з краіны. Лупаносаў унесены КДБ у» пералік асоб, якія маюць дачыненне да тэрарыстычнай дзейнасці", прызнаны абвінавачаным па артыкулах аб замаху на акт тэрарызму і несанкцыянаванае капіяванні інфармацыі — яго абвінавачваюць у перадачы дадзеных BYPOL.

Сцяпан Пуціла — адзін з стваральнікаў телеграм-канала NEXTA. Унесены КДБ у» пералік асоб, якія маюць дачыненне да тэрарыстычнай дзейнасці", супраць Пуціла распачатыя крымінальныя справы па 10 артыкулах. Улады Беларусі абвясцілі Пуціла ў міждзяржаўны вышук

Пакуль новых прозвішчаў няма ў спісе Следчага камітэта.

У Спіс «экстрэмістаў» МУС дадалі яшчэ 97 чалавек

Сярод іх асуджаная за дапамогу рэпрэсаваным Вольга Ялцэвіч (https://prisoners.spring96.org/be/person/volha-jalcevicz) і асуджаны за рассылку лістоў членам камісій па рэферэндуме 18-гадовы Раман Карпук (https://prisoners.spring96.org/be/person/raman-karpuk), былы студэнт Канстанцін Рудніцкі (https://prisoners.spring96.org/be/person/kanstancin-rudnicki), а таксама асуджаная за пратэсныя і антываенныя надпісы Ірына Прыгава (https://prisoners.spring96.org/be/person/iryna-pryhava).

На дадзены момант у «Спісу экстрэмістаў» МУС 1881 чалавек.

Затрыманы віцэ-дэкан Магілёўскага дэканату, айцец Віталій Чабатар

Як стала вядома @christianvision, магілёўскі святар быў затрыманы 17-га лістапада.

Айцец Віталій Чабатар належыць да Ордэну кларэтынаў і працуе ў Магілёве з 2007 году. У студзені 2018 біскуп Аляксандр Яшэўскі прызначыў яго віцэ-дэканам Магілёўскага дэканата. Актуальна з’яўляецца вікарыем мясцовай парафіі св. Антонія Падуанскага.

Гэта чарговая атака на святароў Магілёва - летась у красавіку ўжо затрымлівалі мясцовага дэкана кс. Андрэя Кеўліча. Тады святар атрымаў штраф 20 базавых велічынь за распаўсюд «экстрэмісцкіх» матэрыялаў.

Інфармацыя дапаўняецца

Крыніца: Паболела "экстрэмістаў" і людзей , якіх могуць судзіць завочна: хроніка пераследу 18 лістапада