У судзе Маскоўскага раёна Мінска 21 чэрвеня вынесены прысуд па крымінальнай справе палітзняволенага Аляксандра Талмачова. Яго абвінавацілі ў арганізацыі і падрыхтоўцы дзеянняў, якія груба парушылі грамадскі парадак (ч.1 арт. 342 Крымінальнага кодэкса).
Справу разглядаў суддзя Юрый Машкетаў.
Аляксандра Талмачова, які працуе прафесійным вядучым розных мерапрыемстваў і спікерам івэнт-семінараў, затрымалі 5 красавіка 2022 года. Да суда ўтрымліваўся ў СІЗА №1 Мінска.
Якія эпізоды інкрымінаваў суд Талмачову - пакуль невядома.
Суд прызнаў вядучага вінаватым і пастанавіў пакараць абмежаваннем волі без накіравання ва ўстанову адкрытага тыпу тэрмінам на тры гады.
Яго выпусцілі з-пад варты ў залі суда.
Крыніца: Прафесійнага вядучага з Мінску пакаралі трымя гадамі "хатняй хіміі"