Барыс Хамайда ўзьняў у гонар Каліноўскага бел-чырвона-белы сьцяг у цэнтры Віцебску
Вядомы апазыцыянэр Барыс Хамайда выйшаў 22 лістапада да «сіняга дому» ў Віцебску зь бел-чырвона-белым сьцягам, каб аддаць даніну павагі і памяці нацыянальнаму герою Беларусі Кастусю Каліноўскаму, чые парэшткі ў гэты дзень перапахаваюць у Вільні (Літва).
Барыс Хамайда напярэдадні Дзядоў наведаў магілы паплечнікаў і аднадумцаў
Напярэдадні Дзядоў адзін з найстарэйшых віцебскіх апазыцыянэраў Барыс Хамайда наведаў могілкі ў Віцебскім раёне, дзе пахаваныя людзі, якія стаялі ля вытокаў дэмакратычнага руху ў Віцебску. Хамайда прыяжджае да сваіх сяброў і паплечнікаў, якія сышлі з жыцьця, штогод – гэтай традыцыі ўжо 13 гадоў.
Барыса Хамайду аштрафавалі на 25,50 рублёў – загрувашчваў вуліцу
Пастанову пра штраф вынесла адміністрацыйная камісія Чыгуначнага райвыканкаму паводле пратаколу, складзенага на распаўсюдніка незалежнай прэсы 30-га красавіка, паведамляе Беларускае Радыё Рацыя.
Барыс Хамайда і Сяргей Каваленка атрымалі мэдалі да 100-годзьдзя БНР
Мэдаль да 100-годзьдзя БНР уручаецца за пажыцьцёвыя заслугі ў працы дзеля зьдзяйсьненьня ідэалаў Акту 25 сакавіка 1918 году, у тым ліку – за барацьбу за свабоду і дэмакратыю ў Беларусі. 13 чэрвеня гэтую ганаровую ўзнагароду атрымалі віцябляне Барыс Хамайда і Сяргей Каваленка.
Міліцыянты спынілі дзьве адміністрацыйныя справы супраць Барыса Хамайды
Ад пачатку 2019 году апазыцыянэра Барыса Хамайду затрымлівалі каля “сіняга дому” ў Віцебску тройчы – напярэдадні Дня Канстытуцыі, на Дзень Волі і 30 красавіка. Ва ўсіх трох выпадках на яго складалі пратаколы за загрувашчваньне вуліцы (арт. 21.14 КаАП). Як стала вядома, дзьве адміністрацыйныя справы супраць Хамайды ўжо спыненыя.
У Дзень свабоды прэсы віцебскія журналісты раздавалі мінакам спэцвыпуск “Народнай Волі”
У Сусьветны дзень свабоды прэсы, які адзначаецца 3 траўня, незалежныя віцебскія журналісты раздавалі мінакам спэцвыпуск газэты “Народная Воля”, прысьвечаны гэтай даце. У цэнтры гораду, ля “сіняга дому”, газэту распаўсюджваў вядомы віцебскі дысыдэнт і сябра Беларускай асацыяцыі журналістаў Барыс Хамайда.
“Зноў укрыжавалі Хрыста…” Актывісты Віцебшчыны пра зьнішчэньне крыжоў у Курапатах
На мінулым тыдні, 4 красавіка, улады зьнішчылі 70 крыжоў, што былі ўсталяваныя па пэрымэтры народнага мэмарыялу ў Курапатах. У грамадзтве гэта выклікала шок, неразуменьне і выбух абурэньня. Як расцэньваць дзеяньні ўладаў? Свае ацэнкі і меркаваньні выказалі прадстаўнікі грамадзянскай супольнасьці Віцебшчыны.
У Віцебску на Дзень Волі затрымалі Барыса Хамайду. За плякат з цытатай Буніна?..
Вядомага віцебскага дысыдэнта Барыса Хамайду затрымалі каля 11-й гадзіны 25 сакавіка на рагу “сіняга дому” ў Віцебску. Ён трымаў у руках сьцяг гораду і самаробны плякат з цытатай расейскага пісьменьніка Івана Буніна: “Город (Витебск) древний и нерусский”. Гэткім чынам Барыс Хамайда павіншаваў віцяблян з Днём Волі.
Барыс Хамайда: Мы ўжо 23 гады жывем без легітымнай Канстытуцыі!..
Сьвяткуем 25-годзьдзе Канстытуцыі, але 23 зь іх наогул ня маем ніякай легітымнай Канстытуцыі, сьцьвярджае легендарны віцебскі дысыдэнт Барыс Хамайда. Тлумачыць, чаму так, і адказвае старшыні Цэнтарвыбаркаму Лідзіі Ярмошынай, якая нядаўна прапанавала ўносіць зьмены ў Асноўны Закон без рэфэрэндумаў.
У Віцебску затрымлівалі Барыса Хамайду – “загрувашчваў вуліцу”
У чацьвер 14 сакавіка каля 12-й гадзіны ля “сіняга дому” ў Віцебску быў затрыманы Барыс Хамайда. У Чыгуначным РАУС на яго склалі адміністрацыйны пратакол за “загрувашчваньне вуліцы” (арт. 21.14 КаАП). У міліцыі віцебскі апазыцыянэр прабыў больш за гадзіну.