Пракуратура занепакоеная станам дзіцячых пляцовак у Віцебску
Стан дзіцячых гульнявых пляцовак у Віцебску патрабуе больш пільнай увагі з боку мясцовых органаў улады. Такое меркаваньне выказала старшы памочнік пракурора Віцебску Вольга Каралёва. Паводле яе слоў, праведзены пракуратурай аналіз паказаў, што існуюць сур’ёзныя парушэньні патрабаваньняў тэхнічных нарматыўных прававых актаў, што прад’яўляюцца да абсталяваньня дзіцячых гульнявых пляцовак.
Жыхары Віцебшчыны скардзяцца ў пракуратуру і праз Інтэрнэт
У пракуратуру Віцебскай вобласьці за першае паўгодзьдзе паступіла 60 электронных зваротаў грамадзян, паведаміла намесьніца начальніка арганізацыйна-кантрольнага аддзелу ведамства Сьвятлана Зайцава. Паводле ейных слоў, усяго за першае паўгодзьдзе ў ворганы пракуратуры вобласьці паступіла каля 4,7 тыс. пісьмовых зваротаў. На асабістым прыёме супрацоўнікамі прынятыя 2,9 тыс. чалавек, зь іх 441 - па месцы жыхарства і працы.
Пракуратура: Андрэй Гайдукоў спрабаваў працаваць на ЦРУ
Асуджаны на паўтара года пазбаўленьня волі Андрэй Гайдукоў хацеў стаць агентам ЦРУ ЗША. Спробу ўстанавіць кантакт з амэрыканскай спэцслужбай ён распачаў у жніўні 2012 году, паведаміў першы намесьнік пракурора Віцебскай вобласьці Аляксандар Сідаровіч: “У жніўні 2012 году ў спэцслужбу паступіла апэратыўная інфармацыя пра тое, што грамадзянін Беларусі хоча ўстанавіць сувязь з адной з разьведслужбаў”.
Генпракурор: Абвінавачаньне Гайдукову перакваліфікаванае
Абвінавачаньне Андрэю Гайдукову, які раней абвінавачваўся ў дзяржаўнай здрадзе, перакваліфікаванае, ворганы пракуратуры просяць прызначыць яму больш мяккае пакараньне, заявіў генэральны пракурор Беларусі Аляксандар Канюк у пятніцу журналістам у Менску: “Гайдукову перакваліфікаванае абвінавачаньне, я пакуль ня маю права назваць новы артыкул, але мы просім для яго 2 гады пазбаўленьня волі. Гэта іншы артыкул, яго доля будзе значна больш мяккай”, - сказаў А. Канюк.
Былога дырэктара УКБ Віцебскага аблвыканкаму пасадзяць?
Крымінальная справа ў дачыненьні да былога дырэктара Ўпраўленьня капітальнага будаўніцтва Віцебскага аблвыканкаму накіраваная ў суд, паведаміў пракурор аддзелу па наглядзе за расьсьледаваньнем крымінальных спраў упраўленьнем Сьледчага камітэту па Віцебскай вобласьці пракуратуры Віцебскай вобласьці Аляксандар Сашчэка.
Пракуратура выявіла парушэньні заканадаўства аб долевым будаўніцтве жытла
Ворганамі пракуратуры Віцебскай вобласьці праверана выкананьне заканадаўства аб долевым будаўніцтве шматкватэрных жылых дамоў у камітэце па архітэктуры і будаўніцтве Віцебскага аблвыканкаму і мясцовых гаррайвыканкамах. Як паведамілі ў Генэральнай пракуратуры, выяўленыя парушэньні забудоўшчыкамі патрабаваньняў указу прэзыдэнта ад 15 чэрвеня 2006 году № 396 “Аб долевым будаўніцтве шматкватэрных жылых дамоў” і іншых нарматыўных прававых актаў у гэтай сфэры, а таксама недастатковы кантроль з боку мясцовых выканаўчых і распарадчых ворганаў за правядзеньнем гэтай работы.
Віцебская пракуратура прапануе публікаваць у СМІ зьвесткі пра прыбыткі службоўцаў
Пракуратура Віцебскай вобласьці прапаноўвае афішаваць ў СМІ даходы прэтэндэнтаў на кіруючыя пасады. Гэтую прапанову ў ліку шэрагу іншых ведамства мае намер накіраваць у Генэральную пракуратуру Беларусі ў мэтах павышэньня эфэктыўнасьці барацьбы з карупцыяй, паведаміў першы намесьнік пракурора Віцебскай вобласьці Аляксандар Сідаровіч.
Пракурор вобласьці прапанаваў рэанімаваць раскулачваньне
Пракурор Віцебскай вобласьці, прапанаваў увесьці канфіскацыю маёмасьці людзей, якія ня могуць растлумачыць, за якія грошы набытыя дарагія дамы і машыны. За 4 месяцы гэтага году ў Віцебскай вобласьці зьдзейсьнена 149 злачынстваў карупцыйнай накіраванасьці. Больш за палову зь іх - хабары.
Пракуратура выявіла парушэньні працоўнай дысцыпліны ў РУП “Віцебскаўтадар”
Парушэньні працоўнай дысцыпліны выяўленыя ў РУП “Віцебскаўтадар”, паведаміла пракурор аддзелу па наглядзе за выкананьнем заканадаўства і законнасьцю прававых актаў пракуратуры Віцебскай вобласьці Натальля Калпакова. Парушэньні на прадпрыемстве і яго структурных падразьдзяленьнях у рэгіёнах вобласьці былі выяўленыя пры правядзеньні праверкі выкананьня патрабаваньняў працоўнага заканадаўства, заканадаўства аб ахове працы, дырэктыў № 1 “Аб мерах па ўмацаваньні грамадзкай бясьпекі і дысцыпліны” і № 3 “Эканомія і ашчаднасьць - галоўныя фактары эканамічнай бясьпекі дзяржавы”, заканадаўства аб прафіляктыцы правапарушэньняў і аб захаванасьці ўласнасьці.
Больш за 90 бацькоў аштрафаваныя ў Віцебскай вобласьці за парушэньне іх дзецьмі “камэнданцкай гадзіны”
Больш за 90 бацькоў аштрафаваныя ў Віцебскай вобласьці з пачатку году за начныя прагулкі сваіх дзяцей без суправаджэньня дарослых, паведаміла памочніца пракурора Віцебскай вобласьці па наглядзе за выкананьнем заканадаўства аб непаўнагадовых і моладзі Ірына Крукоўская. Паводле яе слоў, найбольш часта гэтыя парушэньні былі адзначаныя ў абласным цэнтры (17 фактаў), Наваполацку (7), Глыбоцкім раёне (7), Воршы і Аршанскім раёне (10), Полацку і Полацкім раёне (10), Лепельскім раёне (5).