На рамонт моста ў Воршы ўлады далі 1 мільярд рублёў. А трэба – 370 мільярдаў
Пасьля шматлікіх пісьмовых зваротаў — як ад дэмакратычных актывістаў, так і ад шараговых жыхароў — у Воршы зачынілі мост цераз Днепр. Пытаньне фінансаваньня яго рамонту застаецца адкрытым. Каб забараніць рух транспарту па аварыйным мосьце, спатрэбілася каля двух гадоў.
Скандал у судзе: узнагарода знайшла свайго героя
За невыкананьне парадку інфармаваньня грамадзян аб пераносе часу пэрсанальнага прыёму, старшыня суду Першамайскага раёну Віцебску Андрэй Андрушэнка прыцягнуты да матэрыяльнай адказнасьці. Скарга пра нядбайнае выкананьне Закону Рэспублікі Беларусь «Аб зваротах грамадзян і юрыдычных асоб» кіраўніком раённага суду, паступіла ў Міністэрства юстыцыі Рэспублікі Беларусь ад віцебскага праваабаронцы Паўла Левінава.
Маці і сястра Ўладзіслава Кавалёва спадзяюцца даведацца пра месца яго пахаваньня праз суд
Любоў Кавалёва і Тацьцяна Козяр – маці і сястра асуджанага да сьмяротнага пакараньня і расстралянага 15 сакавіка 2012 году Ўладзіслава Кавалёва, абіванавачанага ў тэракце ў мэтро ў Менску, зьвярнуліся ў суд Кастрычніцкага раёну сталіцы са скаргай на неправамерныя дзеяньні Дэпартамэнту выкананьня пакараньняў, Міністэрства ўнутраных спраў і Камітэту дзяржбясьпекі. Родныя Кавалёва лічаць, што адмова паведаміць зьвесткі пра месца пахаваньня Ўладзіслава парушае міжнародныя стандарты, а таксама зьвяртаюць увагу на парушэньне Закону “Аб зваротах грамадзян”.
Жыхары Віцебшчыны скардзяцца ў пракуратуру і праз Інтэрнэт
У пракуратуру Віцебскай вобласьці за першае паўгодзьдзе паступіла 60 электронных зваротаў грамадзян, паведаміла намесьніца начальніка арганізацыйна-кантрольнага аддзелу ведамства Сьвятлана Зайцава. Паводле ейных слоў, усяго за першае паўгодзьдзе ў ворганы пракуратуры вобласьці паступіла каля 4,7 тыс. пісьмовых зваротаў. На асабістым прыёме супрацоўнікамі прынятыя 2,9 тыс. чалавек, зь іх 441 - па месцы жыхарства і працы.