Губэрнатар Косінец упадабаў акупацыю Крыму і агрэсію з боку Расеі
Падтрымку дзеяньняў Расеі ва Ўкраіне выказаў старшыня Віцебскага аблвыканкаму Аляксандар Косінец (на фота) на сустрэчы з кіраўніцтвам Пскоўскай вобласьці Расеі. Пра гэта распавёў дэпутат Пскоўскага абласнога сходу Віктар Антонаў («Адзіная Расея»), камэнтуючы вынікі нядаўняга візыту беларускай дэлегацыі ў Пскоўскую вобласьць.
Віцебскі аблвыканкам ігнаруе беларускую мову
Актывіст Партыі БНФ Кастусь Смолікаў напісаў у аблвыканкам электронны зварот: прапанаваў, каб на інтэрнэт-сайце аблвыканкаму была беларускамоўная вэрсія. Адказ ад ідэалягічнага аддзелу быў кароткі: сайт быў і будзе толькі на расейскай мове. Бо гэта не супярэчыць заканадаўству. А інтарэсы грамадзян ніхто ўлічваць не зьбіраецца.
Добраўпарадкоўваць Гарадок перад «Дажынкамі» будуць студэнты
Віцебская арганізацыя ГА БРСМ паведамляе, што на добраўпарадкаваньне райцэнтру да «Дажынак» накіруюць адмысловыя будатрады. Чакаецца, што лета ў Гарадку будзе гарачае: старшыня Віцебскага аблвыканкаму запатрабаваў, каб да 1 верасьня ўсе рамонтныя працы былі скончаныя.
Віцебскія ўлады спрабуюць ціснуць на актывістку БХД праз пастараў царквы
Як стала вядома з вартых даверу крыніц Віцебскага аблвыканкаму, на гутарку ў аддзел па справах рэлігіяў і нацыянальнасьцяў выклікалі біскупа Аб’яднаньня Хрысьціян веры эвангельскай у Віцебскай вобласьці і пастара эвангельскай царквы “Новае жыцьцё”. Прычынай іх запрашэньня ў выканкам стала тое, што сябра царквы “Новае жыцьцё” Алена Шабуня зьяўляецца актывісткай “Беларускай хрысьціянскай дэмакратыі”.
Свабодны прафсаюз змагаецца супраць дыскрымінацыі на “Шкловалакне” (відэа)
Размова аб парушэньні наймальнікам ААТ «Полацак-Шкловалакно» ўказу прэзыдэнта аб сацыяльным партнэрстве адбылася на сустрэчы старшыні Свабоднага прафсаюзу заводу Віктара Стукава зь першым намесьнікам старшыні аблвыканкаму Ўладзімерам Навацкім на прыёме ў аблвыканкаме. Парушэньні палягаюць у забесьпячэньні розных сацыяльных гарантыяў для працоўных адной і той жа прафэсіі на заводзе «Шкловалакно», што супярэчыць ўказу № 278.
Віцебскія бібліятэкі адмовіліся ад падпіскі на «Нашу Ніву», «Народную волю» і «БелГазету»
У Віцебскай абласной бібліятэцы імя Леніна адмовіліся ад падпіскі на гэтыя выданьні на 2014 год. Бібліятэкаркі кажуць, што гэта загад аблвыканкаму – абласнога ўпраўленьня ідэалягічнай працы, культуры і па справах моладзі. Прынамсі, так яны тлумачаць сытуацыю незадаволеным наведнікам, якія пытаюцца, куды падзеліся газэты.
Праца па прафіляктыцы правапарушэньняў сярод навучэнцаў каледжаў і ліцэяў арганізаваная неналежным чынам
Органамі пракуратуры Віцебскай вобласьці праведзеная праверка выкананьня патрабаваньняў заканадаўства аб прафіляктыцы безнагляднасьці і правапарушэньняў сярод непаўналетніх ва ўстановах прафэсійна-тэхнічнай адукацыі. Як паведамілі ў Генэральнай пракуратуры, з 19 правераных устаноў (усяго ў вобласьці 27 устаноў, у якіх вучацца 9 493 навучэнцы) у 10 каледжах і ліцэях выяўленыя значныя недахопы пры арганізацыі прафіляктычнай працы, адукацыйнага працэсу, занятасьці навучэнцаў у вольны час, а таксама фармалізм у працы па выяўленьні непаўнагадовых, якія знаходзяцца ў сацыяльна небясьпечным становішчы.
Губэрнатар Косінец: Праблема браку лекараў вузкіх спэцыяльнасьцяў павінна быць вырашаная ў 2014 годзе
Праблема браку вузкіх спэцыялістаў ва ўстановах аховы здароўя Віцебскай вобласьці павінна быць вырашаная ў бягучым годзе. Такую задачу паставіў старшыня Віцебскага аблвыканкаму Аляксандар Косінец на паседжаньні аблвыканкаму, дзе разглядаліся пытаньні разьвіцьця матэрыяльна-тэхнічнай базы ўстаноў аховы здароўя вобласьці ў 2011-2013 гадох і задачы на пэрыяд да 2015 году.
Віцебскі аблвыканкам цікавіцца сябрамі Беларускай асацыяцыі журналістаў
Аддзел ідэалёгіі Віцебскага аблвыканкаму праінфармаваў рэдакцыі мясцовых газэтаў, хто з супрацоўнікаў зьяўляецца сябрам БАЖ, а хто толькі зьбіраецца ўступіць у «непажаданую» арганізацыю. Асобных журналістаў выклікалі ў аблвыканкам для тлумачэньняў наконт сяброўства ў ГА «Беларуская асацыяцыя журналістаў». Калегі сышліся на думцы, што няйнакш гэтая цікаўнасьць зьвязаная з будучымі выбарамі.
Нягледзячы на даўгі, ХК «Віцебск» працягне гуляць у чэмпіянаце Беларусі
Нягледзячы на даўгі “Віцебску”, якія складаюць 240 мільёнаў рублёў, выканкам Фэдэрацыі хакея Рэспублікі Беларусь пастанавіў пакінуць каманду ў чэмпіянаце краіны. Клюб зьбіраўся знайсьці грошы ў фундатараў, але, відаць, гэтага зрабіць не ўдалося. Фэдэрацыяй хакея былі атрыманыя гарантыйныя лісты Віцебскага абласнога выканаўчага камітэту. З 1 лістапада каманда стала бюджэтнай.