На тое, што адпачынак з дзецьмі стаў не праста няякасны, але нават і небяспечны, гараджане ўжо даўно звярталі ўвагу мясцовых уладаў. Людзі скардзіліся, што атракцыёны толкам не працуюць, а тэрыторыя парку запушчаная.

У маі 2025 года ад аршанскіх уладаў  прагучала доўгачаканае  абяцанне: па сканчэнні летняга сезону парк будзе зачынены, і ў ім распачнецца рэканструкцыя. У горадзе нават загаварылі пра тое, што сарвуцца святкаванні 95-годдзя пісьменніка-земляка Уладзіміра Карткевіча, помнік якому ўсталяваны якраз у гэтым парку, і каля яго праходзяць штогадовыя літаратурныя чытанні. Але рэканструкцыя так і не пачалася, а абяцанні плаўна “перацяклі” на 2026 год.

У 2026 годзе праз “Аршанскую газету” зноў прагучала абяцанне пра рэканструкцыю.
Але цяпер  пра яе ўжо не згадваюць, а суботнік, маўляў, праводзіўся з тае прычыны, што зараз лета, у парку “сезон”, і таму нічога болш грунтоўнага зрабіць нельга. Калі будзе “можна”, і рэканструкцыя ўрэшце пачнецца, гараджанам не кажуць.   

Віктар Пятроўскі