Магчыма, полацкую пракуратуру, якая займаецца маінторынгам інтэрнэту, на пачатку збянтэжыла сама назва. Бо “Новая Беларусь” – гэта назва штогадовай канферэнцыі дэмакратычных сіл, якую супольна арганізуць Офіс Святланы Ціханоўскай, Аб’яднаны Пераходны Кабінет і Каардынацыйная Рада.

Але, калі адчыніць акаўнт, у вочы адразу кідаецца безліч чарвона-зялёных сцягоў у відэароліках, знятых падчас патрыятычных аўтапрабегаў і іншых ідэалагічных мерапрыемстваў. Хэш-тэгі таксама не пакідаюць сумнёваў у “арыентацыі” стваральнікаў: #ЗаБеларусь ?? #ямыбатька #митинг #лучшие #лукашенко #беларусь #belarus. Праўда, выглядае, што аўтары крыху перастараліся, дэманструючы сваю адданасць. Пэўная колькасць відэаролікаў прысвечана разгонам мірных пратэстаў 2020 года. А на іх відаць тысячы людзей з бел-чырвона-белымі сцягамі. Ці не за гэта прыхільнікі Лукашэнкі трапілі ў “экстрэмісты”.

Віктар Нябачны