У Віцебскі абласны суд накіравалі чарговую крымінальную справу «за экстрэмізм»
28-гадовага жыхара Полацку вінавацяць за «дзеянні, накіраваныя на распальванне міжрасавай і міжнацыянальнай варожасці», а таксама за «удзел у экстрэмісцкім фарміраванні». Дзяржаўная газета «Полацкі веснік» не называе імя фігуранта крымінальнай справы, але падрабязна распавядае сутнасць абвінавачання са спасылкай на БЕЛТА.
15-гадовага падлетка суд адправіў на 10 гадоў за краты за 14 грамаў забароненага рэчыва
Суд Першамайскага раёну гораду Віцебску вынес абвінаваўчы прысуд у дачыненні да 15-гадовага падлетка С. з Наваполацку, прызнаўшы яго вінаватым у распаўсюджванні буйной партыі наркотыкаў у складзе арганізаванай групы (частка 4 артыкула 328). На працэсе сваю віну хлопец прызнаў толькі часткова.
«Каналізацыйны калектар – не грамадскае месца». Юлія Алейнік, якую судзілі за надпіс «БЧБ Жыве», абскардзіла прысуд
У Віцебскім абласным судзе 30 лістапада адбыўся разгляд апеляцыйнай скаргі Юліі Алейнік і яе адваката на рашэнне суду Кастрычніцкага раёну Віцебску, які аштрафаваў яе на 90 базавых велічыняў за надпіс «БЧБ Жыве» на каналізацыйным калектары ў Віцебску. Суддзя Сняжана Кіндзеева палічыла яе вінаватай у пашкоджанні маёмасці (арт. 341 КК РБ). Незадоўга да суду яе адлічылі з мастацка-графічнага факультэту («худграф») ВДУ.
Віцебскі абласны суд не задаволіў скаргу полацкай мастачкі Нэлі Алфёравай
10 лістапада Віцебскі абласны суд разгледзеў скаргу полацкай актывісткі і мастачкі Нэлі Алфёравай на пастанову суду Полацкага раёну і гораду Полацку, які прыцягнуў яе да адміністрацыйнай адказнасці паводле ч.1 арт. 19.10 КаАП («Распаўсюд нацысцкай сімволікі») і ч.2 арт. 19.11 КаАП («Распаўсюд экстрэмісцкіх матэрыялаў») ды аштрафаваў на 1160 рублёў. Суддзя Ірына Смалякова, якая разглядала скаргу, пакінула пастанову без зменаў, а скаргу – без задавальнення.
Абласны суд адмяніў пастанову Наваполацкага суду ў справе прафсаюзнага лідара «Нафтану»
6 кастрычніка Віцебскі абласны суд разгледзеў дзве скаргі і пратэст пракурора на рашэнне суду гораду Наваполацку ў справах Вадзіма Міхайлава і Юліі Маліноўскай. Прафсаюзны лідар «Нафтану» Вадзім Міхайлаў быў аштрафаваны наваполацкім судом (ч. 1 арт. 24.23) на 100 базавых велічынь. Віцебскі аблсуд адмяніў гэтую пастанову і накіраваў справу на новы разгляд. Рашэнне ў справе Юліі Маліноўскай, якую аштрафавалі за распаўсюд «экстрэмісцкіх матэрыялаў» (ч.2 арт. 19.11), пакінулі без зменаў, а скаргу – без задавальнення.
Суд ліквідаваў моладзевае аб’яднанне, кіраўнік якога падазраецца ў педафіліі
21 верасня Віцебскі абласны суд задаволіў пазоў галоўнага ўпраўлення юстыцыі Віцебскага аблвыканкаму аб ліквідацыі моладзевага грамадскага аб’яднання «Грань». Інтарэсы пазоўніка ў судзе прадстаўляла начальніца аддзелу дзяржаўнай рэгістрацыі камерцыйных і некамерцыйных арганізацый і юрыдычнай экспертызы. Прадстаўнікі аб’яднання «Грань» на судовым паседжанні не прысутнічалі.
Абласны суд «зачысціў» яшчэ тры недзяржаўныя арганізацыі ў Віцебску
15 верасня ў Віцебскім абласным судзе прайшлі тры грамадзянскія працэсы, на якіх разглядаліся пазовы па ліквідацыі грамадскіх аб'яднанняў. За некалькі гадзін тры суддзі ліквідавалі тры недзяржаўныя арганізацыі (НДА) экалагічнай і турыстычнай скіраванасці. Пазоў у суд аб іх закрыцці падавала галоўнае ўпраўленне юстыцыі Віцебскага абласнога выканаўчага камітэту.
Віцебскі абласны суд ліквідаваў аршанскае моладзевае аб'яднанне «Звяз»
8 верасня Віцебскі абласны суд задаволіў пазоў галоўнага ўпраўлення юстыцыі віцебскага абласнога выканаўчага камітэту да аршанскага моладзевага абʼяднання «Звяз». Сваёй пастановай суддзя Марына Острыкава прыняла рашэнне ліквідаваць арганізацыю. Прадстаўнік «Звязу» у суд не зʼявіўся. Кіраўнік «Звязу» – вядомы аршанскі актывіст Ігар Казмерчак.
На суд у справе навапалачаніна Яўгена Харашкевіча зноў не пусцілі праваабаронцаў
31 жніўня ў Віцебскім абласным судзе адбылося чарговае паседжанне ў справе жыхара Наваполацку Яўгенія Харашкевіча, супраць якога выстаўленыя крымінальныя абвінавачанні адразу па трох крымінальных артыкулах. Прадстаўніка праваабарончай арганізацыі, які прыйшоў назіраць за працэсам, у залу не пусцілі. Першае пасяджэнне адбылося 5 ліпеня.
Краязнаўца Віктар Барысенкаў мусіць адбыць 7 сутак за кратамі – абласны суд адхіліў ягоную скаргу
20 жніўня Віцебскі абласны суд разгледзеў скаргу вядомага краязнаўцы і фотамастака Віктара Барысенкава. Ён абскардзіў рашэнне суддзі Уладзіміра Царыкава, які пакараў яго адміністрацыйным арыштам на 7 сутак за тры фотаздымкі часоў фашысцкай акупацыі, размешчаныя ў інтэрнэце. Суддзя трактаваў гэта як публічную дэманстрацыю нацысцкай сімволікі (ч.1 арт.19.10 КаАП). На разгляд скаргі Барысенкаў прыйшоў з асабістымі рэчамі, гатовы да таго, што яго возьмуць пад варту ў зале суду.