З-за санкцыяў супраць расейскіх банкаў беларускія турапэратары ня могуць перавесьці плацяжы за туры?
Як паведамляюць беларускія турапэратары, у айчынных турыстычных кампаніяў узьніклі складанасьці зь пераводам грошай партнэрам за мяжу праз банкі з расейскім капіталам, прадстаўленыя ў Беларусі. Так, на цэлы тыдзень затрыманы даляравы плацёж праз «Белзьнешэканомбанк» у аднаго з буйных беларускіх турапэратараў.
Расейскія паліцыянты: Беларусы ўчынілі ва Ўльянаўску разборку ў духу «ліхіх 90-х»
Першы ж дзень працы ва Ўльянаўску Віцебскага кірмашу сельгасвытворцаў з Рэспублікі Беларусь азмрочыўся непрыемнай гісторыяй. Як прывід зь «ліхіх 90-х», да іх пад’ехала белая «Таёта», зь якой выйшлі трое моцных маладых хлопцаў у характэрных спартыўных гарнітурах…
Затрыманы распаўсюднік сьцяжкоў: «Зараз толькі сьцяжкі РБ. А РФ больш не прадаю»
15 ліпеня на чыгуначным пераезьдзе «Харобрава» пры ўезьдзе ў Воршу былі затрыманыя распаўсюднікі расейскіх сьцяжкоў. Высьветлілася, што распаўсюджвалі сьцяжкі жыхары Барысава — Максім Андрэевіч Ціханаў, 1989 году нараджэньня, і Павал Васільевіч Жыльцоў, 1977 году нараджэньня, абодва глуханямыя. Іх чакае суд.
Андрэй Герашчанка: Традыцыйна мы падтрымліваем Лукашэнку, але ў нас да яго ёсьць пытаньні (відэа)
Імя старшыні Віцебскага грамадзкага аб’яднаньня «Рускі дом» Андрэя Герашчанкі вядомае далёка за межамі Віцебску. За выказваньні ў падтрымку як мага больш цеснай інтэграцыі Беларусі з Расеяй і адданасьць пісьменьніка і грамадзкага дзеяча расейскай культуры адны лічаць яго ледзь ня здраднікам нацыянальных інтарэсаў Беларусі, для іншых ён – бясспрэчны аўтарытэт. Андрэй Яўгенавіч ласкава пагадзіўся адказаць на пытаньні «Дыялёгу», каб прадставіць чытачам сваю пазыцыю наконт грамадзка значных аспэктаў жыцьця.
Андрэй Герашчанка: «Беларусы – ня рускія» – гэта антынацыянальны пасыл
Дзяяч расейскага руху зь Віцебску Андрэй Герашчанка даў вялікае інтэрвію сайту imperiya.by. Кіраўнік Каардынацыйнай рады расейскіх суайчыньнікаў Беларусі разважаў аб культуры, пазыцыі Беларусі і ўкраінскай «хунце».
Незалежная псыхіятрычная экспэртыза не пацьвердзіла дыягназ доктара Пастнова
Паводле высноваў адмыслоўцаў з грамадзкай арганізацыі «Незалежная псыхіятрычная асацыяцыя Расеі», падставаў для прымусовай шпіталізацыі віцебскага «лекара-праўдаруба» ў «псыхушку» не было. У красавіку Ігар Пастноў езьдзіў у Маскву на незалежны агляд, бо імкнуўся аспрэчыць дыягназ, пастаўлены яму віцебскімі псыхіятрамі. Таксама ён імкнуўся спраўдзіць, ці была неабходнасьць «ізаляваць» яго ад грамадзтва шляхам прымусовага зьмяшчэньня ў псыхіятрычнае аддзяленьне паводле рашэньня суду.
Віцебскія актывісты КХП-БНФ – супраць ваеннай агрэсіі з боку Расеі
Пяцёра сяброў Кансэрватыўна-хрысьціянскай партыі БНФ падалі заяўкі на правядзеньне пікетаў у адміністрацыі ўсіх трох раёнаў Віцебску. Празь пікеты яны зьбіраюцца выказаць публічны пратэст супраць ўмяшаньня Расейскай Фэдэрацыі ва ўнутраныя справы Ўкраіны, супраць выкарыстаньня Расеяй ваеннай сілы для вырашэння міжнацыянальных і міждзяржаўных канфліктаў. Пікеты мусяць прайсьці 5 чэрвеня.
У Расеі на мяжы зь Віцебскай вобласьцю закладзеная экалягічная бомба запаволенага дзеяньня
Голдынг «Вялікалуцкі мясакамбінат» ( ВЛМК) мае намер увайсьці ў тройку лідэраў расейскага рынку па вытворчасьці сьвініны. Для гэтага кампанія рэалізуе ў Невельскім і Ўсьвяцкім раёнах Пскоўскай вобласьці, якія мяжуюць з Гарадоцкім раёнам, чатыры сьвінагадоўчыя комплексы на 450 тыс. галоў кожны. Адзін ужо працуе ў Невельскім раёне, там зьмяшчаецца 260 тыс. сьвіней, другі будуецца ва Ўсьвяцкім раёне.
Губэрнатар Косінец упадабаў акупацыю Крыму і агрэсію з боку Расеі
Падтрымку дзеяньняў Расеі ва Ўкраіне выказаў старшыня Віцебскага аблвыканкаму Аляксандар Косінец (на фота) на сустрэчы з кіраўніцтвам Пскоўскай вобласьці Расеі. Пра гэта распавёў дэпутат Пскоўскага абласнога сходу Віктар Антонаў («Адзіная Расея»), камэнтуючы вынікі нядаўняга візыту беларускай дэлегацыі ў Пскоўскую вобласьць.
Выснова расейскіх псыхіятраў: Правы доктара Ігара Пастнова былі парушаныя
Віцебскі лекар-псыхіятар Ігар Пастноў, які выступіў з крытыкай улады і падвергнуўся за гэта прымусоваму лячэньню ў закрытым аддзяленьні віцебскай вар’ятні, прайшоў экспэртызу ў Маскве, у Незалежнай псыхіятрычнай асацыяцыі Расеі (НПАР). Мэдычны агляд стаўся магчымым дзякуючы падтрымцы Магілёўскай праваабарончай групы і ПЦ “Вясна”.