Двух ксяндзоў, затрыманых 8 траўня ў Шуміліне, вінавацяць у «дыверсійнай» або «экстрэмісцкай» дзейнасці
Такую інфармацыю апублікавала кіраўніцтва ордэна аблатаў, да якога належаць ксяндзы Анджэй Юхневіч і Павел Лемех.Прэс-сакратар польскай правінцы місіянераў аблатаў айцец Павел Гамуляк паведамляе, што прычынай затрымання стала «dywersyjna działalność». Гэтыя словы можна перакласці і як «дыверсійная», і як «экстрэмісцкая» дзейнасць. Ксяндзоў шумілінскай парафіі затрымалі 8 траўня пасля святарскай сустрэчы ў касцёле Божай Маці Фацімскай.
За паўторную няяўку ў ваенкамат улады аштрафавалі прызыўніка
Суддзя суда Аршанскага раёна і Оршы Юлія Вяршыніна 26 красавіка за няяўку на мерапрыемствы па прызыве ў войска аштрафавала на 120 рублёў не працуючага жыхара Аршанскага раёна Уладзіміра Шусева. Раней малады чалавек прыцягваўся да адміністрацыйнай адказнасці па гэтым жа артыкуле.
Расеец не змог купіць аўтамабілі ў беларуса. Апошні запатрабаваў распіску, што аўтамабілі не будуць адпраўленыя на так званую СВА
У базе зваротаў у КДБ за 2023 год знаходзіцца данос грамадзяніна Расеі Андрэя Кісялёва на жыхара Віцебшчыны Змітра. Расеец піша, што з'яўляецца валанцёрам і разам са сваёй жонкай Таццянай Кісялёвай удзельнічае ў так званай СВА. Яны дапамагаюць сваёй працай, абмундзіраваннем, тэхнікай, запаснымі часткамі расейскім вайскоўцам.
Улады плануюць прадаць у прыватныя рукі чатыры аб'екты гісторыка-культурнай каштоўнасці
За апошнія 10 гадоў на аўкцыёнах Камітэтам дзяржмаёмасці Вітаблвыканкама было прададзена 23 невыкарыстоўваемыя будынкі, якія мелі гісторыка-культурную каштоўнасць. Сума ад іх продажу перавысіла чатыры мільёны рублёў. У 2020 годзе такіх аб'ектаў было прададзена чатыры, з іх два рэалізаваны на таргах за базавую велічыню. А ў маі 2024 плануецца прадаць яшчэ чатыры будынка якія маюць гісторыка-культурную каштоўнасць.
За абразу следчай улады буйна аштрафавалі віцябляніна
Суддзя суда Першамайскага раёна Віцебска Аляксандр Ляшковіч 26 красавіка за абразу службовай асобы пры выкананні ёй службовых паўнамоцтваў аштрафавала на 800 рублёў мясцовага жыхара Сяргея Камандышку.
Сёлета каардынатарам «Бессмяротнага палка» прызначаны Андрэй Герашчанка, кіраўнік ГА «Русский дом»
Раней за ініцыятыву выйсці 9 траўня з партрэтамі сваякоў – удзельнікаў Вялікай Айчыннай вайны – найбольш актыўна выступала прыхільніца «русского мира» Эльвіра Мірсалімава. У гэтым годзе яе актыўнасць напярэдадні Дня Перамогі заўважна знізілася. Аднак яна, як і летась, абяцае сёлета бясплатна раздаваць «георгіеўскія» стужкі ўдзельнікам акцыі. 9 траўня калона «Бессмяротнага палка» пройдзе ў «агульным страі» афіцыйнага маршу «Шэсце пакаленняў».
За пікет у інтэрнэце ўлады арыштавалі віцебскага лекара
Суддзя суда Першамайскага раёна Віцебска Наталля Карабліна 15 красавіка за ўдзел у не дазволеным уладамі пікетаванні ў Telegram-канале арыштавала на 15 сутак лекара Аляксандра Рандарэнку.
Да святкаванняў 9 траўня рэканструкцыя плошчы Перамогі ў Віцебску не скончана
Чарговыя «пераўтварэнні» плануюць завяршыць да XI Форума рэгіёнаў Беларусі і Расіі, які пройдзе 26 і 27 чэрвеня. Тымі самымі днямі будзе адзначацца і 1050-годдзе Віцебска. А мерапрыемствы да Дня Перамогі сёлета пройдуць не на плошчы, якая нават паводле назвы найбольш гэтаму адпавядае, у ў іншых мясцінах горада. Канцэрт і выстаўка вайсковай тэхнікі, якія раней праводзілі на плошчы Перамогі, цяпер пройдуць на плошчы Свабоды, а святочны салют - каля канцэртнай залы "Витебск".
7 траўня- угодкі смерці палітвязня Мікалая Клімовіча, які памёр у папраўчай калоніі №3
61-гадовы блогер Мікалай Клімовіч (вёў свой блог пад псеўданімам Мікалай Верасень) быў асуджаны паводле арт. 368 Крымінальнага кодэкса (Абраза прэзідэнта Рэспублікі Беларусь) да зняволення ў калоніі ва ўмовах агульнага рэжыму на 1 год. Такі вырак у судзе Пінска і Пінскага раёна вынес суддзя Андрэй Бычыла па прапанове пракурора Іллі Гузарэвіча, негледзячы на тое, што Мікалай Клімовіч меў інваліднасць II групы - перанёс інсульт і складаную аперацыю на сэрцы. І мусіў знаходзіцца пад сталым наглядам лекараў.
Улады працягваюць масава накіроўваць грамадзян на прымусовае лячэнне ад алкагалізму
У мінулым годзе судамі Віцебскай вобласці было разгледжана 1667 спраў аб накіраванні грамадзян на прымусовае лячэнне ад алкагалізму, з іх было задаволена - 1614. І гэта практыка дзяржаўнага прымусу да лячэння ад п'янства захавалася сёлета. У красавіку 2024 года толькі суд Віцебскага раёна накіраваў у ЛПП 11 жыхароў рэгіёна: 6 жанчын і 5 мужчын. Ініцыятарам накіравання на лячэнне з'яўлялася кіраўніцтва Аддзела ўнутраных спраў Віцебскага райвыканкама.