З-за санкцый віцебскія ўлады шукаюць выратаванне эканомікі ў інтэграцыі з расійскім рэгіёнам
У рамках Дзён Віцебскай вобласці, ў Пскове праходзіць шэрах мерапрыемстваў, у тым ліку выстава "Інавацыйны патэнцыял Віцебскай вобласці". Усяго ж ў мерапрыемствах у Пскове прымае ўдзел больш за 200 прадстаўнікоў прадпрыемстваў і арганізацый беларускага рэгіёна. Дні Пскоўскай вобласці ў Віцебску запланаваны на 2023 год.
Cуд Наваполацку вырашыў канфіскаваць ноўтбук памерлага, якога збіраліся судзіць за абразы чыноўнікаў
Наваполацкі суд спыніў крымінальную справу, распачатую супраць мясцовага жыхара паводле артыкула 369 Крымінальнага кодэксу (абраза прадстаўніка ўлады) – праз тое, што падсудны памёр. Ён знаходзіўся пад падпіскай аб нявыездзе, але суду не дачакаўся. Тым не менш, суд пастанавіў канфіскаваць ноўтбук памерлага, з якога, паводле версіі абвінавачвання, былі пакінутыя абразлівыя каментары, адрасаваныя чыноўнікам.
Палітвязня Андрэя Кузнечыка этапавалі ў Наваполацкую калонію
Ураджэнец Віцебску, журналіст Радыё Свабода Андрэй Кузнечык, асуджаны да 6 гадоў пазбаўлення волі па справе аб экстрэмісцкім фармаванні, прыбыў адбываць пакаранне ў наваполацкай калоніі №1. Ліст са штэмпелем гэтай установы атрымала жонка палітзняволенага Алеся Рак. Суддзя Магілёўскага абласнога суду Ігар Шведаў прызнаў журналіста вінаватым паводле ч. 1 арт. 361-1 КК («Стварэнне экстрэмісцкага фармавання або ўдзел у ім»), і прызначыў пакаранне ў выглядзе зняволення ў калоніі ўзмоцненага рэжыму на тэрмін 6 гадоў.
Палітзняволеная Яна Пінчук са Смаленска дастаўлена ў Віцебск
Расейскія ўлады задаволілі запыт Генеральнай пракуратуры Беларусі аб выдачы 25 гадовай Яны Пінчук для прыцягнення да крымінальнай адказнасці. 1 верасня 2022 года маладая жанчына перададзена на тэрыторыю Беларусі і ўжо змешчаная ў Віцебскі абласны ізалятар №2. Крымінальная справа ў дачыненні да Яны Пінчук знаходзіцца ў вытворчасці Віцебскага гарадскога аддзела Следчага камітэта.
4,5 гадоў калоніі прысудзілі Аляксею Рэзнікаву за пасты ў інтэрнэце
Віцябляніна прызналі вінаватым паводле арт. 130 (Распальванне расавай, нацыянальнай, рэлігійнай або іншай сацыяльнай варожасці або варожасці), арт. 368 (Абраза Прэзідэнта Рэспублікі Беларусь), арт. 369 (Абраза прадстаўніка ўлады), арт. 370 (Здзек з дзяржаўных сімвалаў). Вырак Андрэю Рэзнікаву вынес суддзя Віцебскага абласнога суду Яўген Буруноў. Прыцэс працягваўся некалькі тыдняў і праходзіў у закрытым рэжыме.
"Ня быць скотам". Прэм’ера дакументальнага фільма пра лёсы праваабаронцаў "Вясны"
Прэм’ера дакументальнага фільма “Ня быць скотам” пра складаныя лёсы праваабаронцаў адбылася на “Маланка. Медыя”. Фільм з’яўляецца працягам плённай супрацы кінадакументалістаў з Праваабарончым цэнтрам “Вясна”.
Рыхтуецца да друку каляндар з малюнкамі палітвязня Паўла Севярынца
Пра намер выдаць каляндар на 2023г. з малюнкамі, якія Павел Севярынец дасылае з-за кратаў, паведаміла ў Фэйсбуку ягоная жонка Вольга. Паводле Вольгі Севярынец, зняволены палітык і моладзевы лідар даслаў з калоніі не адзін дзясятак выяваў розных храмаў Беларусі, і неўзабаве частка гэтых малюнкаў станецца ілюстрацыямі да папяровага календара.
Віцебскія ўлады ліквідавалі Клуб аматараў амерыканскага футбола
Па рашэнні Віцебскага абласнога суда з 4 траўня грамадскае аб'яднанне Клуб амерыканскага футбола "Віцебскія Рысі" знаходзіцца ў стане ліквідацыі. Арганізацыя праіснавала без малога 6 гадоў і давала магчымасць легальна папулярызаваць, любімую многімі ў свеце, гульню. Ініцыятарам знішчэння клуба стала кіраўніцтва галоўнага ўпраўлення юстыцыі Віцебскага аблвыканкама. У апошнія два гады, ліквідацыя грамадскіх аб'яднанняў стала ўніверсальным і эфектыўным спосабам "развіцця" грамадзянскай супольнасці на Віцебшчыне.
Палітзняволеная Яна Пінчук знаходзіцца ў Смаленскім СІЗА. Хутка яе даставяць у Віцебск
Палітзняволеная беларуска Яна Пінчук знаходзіцца ў СІЗА ў Смаленску. У аўторак яе наведаў адвакат. Раней Пінчук з Пецярбурга перавялі ў Маскву, далей — у Яраслаўль, Бранск. Расійскія ўлады збіраюцца выдаць дзяўчыну Беларусі. Канчатковым пунктам гэтага доўгага драматычнага "падарожжа" стане Віцебскі абласны следчы ізалятар №2.
Дэпутаты парламента, выбраныя жыхарамі Віцебска, млява інфармуюць выбаршчыкаў аб сваёй дзейнасці
У лістападзе 2022 года споўніцца тры гады як жыхары Віцебска выбралі Віктара Нікалайкіна, Таццяну Аўтухову, Святлану Горваль і Аляксея Ягорава дэпутатамі Палаты прадстаўнікоў Нацыянальнага сходу Рэспублікі Беларусь. Хутчэй за ўсё, праз год гэтыя палітыкі будуць прэтэндаваць на перавыбранне, таму важна ведаць, чым яны займаліся, працуючы ў парламенце. Адным з індыкатараў ацэнкі дзейнасці "народных абраннікаў" з'яўляецца аналіз інфармацыі, якая змяшчаецца на сайтах гэтых дэпутатаў. І калі шчыра, то пасля знаёмства са зместам сайтаў у большасці віцебскіх выбаршчыкаў абавязкова ўзнікнуць сумненні правільнасці выбару, зробленага ў 2019 годзе.