Улады адмовіліся замяніць пакаранне ўніяцкаму святару з Полацку з арышту на штраф
Суддзя Віцебскага абласнога суда Святлана Іванова 2 чэрвеня адхіліла скаргу святара Аляксандра Шаўцова на рашэнне суда Полацкага раёна і г. Полацка. Гэта азначае, што пастанова ад 26 траўня раённага суда застаецца без змены і Шаўцоў будзе вымушаны адбыць 15 арыштаў за распаўсюд у сацыяльных сетках “экстрэмісцкіх” матэрыялаў.
Адказнымі за бяспеку на дзіцячых пляцоўках у Віцебску зрабілі саміх жыхароў
Стала ўжо нядобрай традыцыяй, што пасля чарговага трагічнага здарэння, калі дзіця пацярпела ў выніку нядбайнасці дарослых, журналісты дзяржСМІ выпраўляюцца «з інспекцыяй» па віцебскіх дварах. Так і гэтым разам: пасля выпадку ў летніку на Бабруйшчыне, калі на 13-гадовага хлопчыка паваліліся футбольныя вароты, карэспандэнты «Витебских вестей» пацікавіліся станам абсталявання на дзіцячых пляцоўках у Віцебску. Істотных недахопаў не знайшлі, а ліквідаваць дробныя параілі самім жыхарам праз службу ЖКГ.
“Пра негатыўны ўплыў на грамадства” на Лепельшчыне
Як піша сайт лепельскай раёнкі lepel-kraj.by, на пасяджэнні так званай Рады грамадскага пункта аховы правапарадку, былі праведзеныя прафілактычныя гутаркі з 10 грамадзянамі, якія, паводле ўладаў, парушалі закон і стваралі негатыўны ўплыў на грамадства.
Па даносе памежніка мужчыну арыштавалі на 15 сутак за «экстрэмізм»
Суддзя суда Гарадоцкага раёна Алена Віхаценка пакарала Аляксандра Баля арыштам тэрмінам на 15 сутак за распаўсюд «экстрэмісцкіх» матэрыялаў у сацыяльных сетках. Адміністрацыйная справа пачалася з таго, што ў аператыўна-дзяжурную службу Гарадоцкага РАУС паступіла паведамленне супрацоўніка памежнага паста ў г. п. Езярышча, які пры аглядзе тэлефона Баля знайшоў у ім падпіскі на каналы, уключаныя ў спіс экстрэмісцкіх.
Глыбачане сталі менш давяраць уладам і звяртацца да іх
Пра змяншэнне колькасці зваротаў грамадзян да ўладаў распавёў старшыня так званай Палаты прадстаўнікоў Уладзімір Андрэйчанка па выніках прыёму грамадзян у Глыбокім.
Палітвязня Андрэя Дзмітрыева накіравалі адбываць пакаранне ў «Віцьбу-3»
Былога кандыдата ў прэзідэнты на выбарах 2020 г., сузаснавальніка і сустаршыню аб'яднання "Говори правду" прызналі вінаватым паводле арт. 342 Крымінальнага кодэкса («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»). Суд Маскоўскага раёна Мінска пакараў Дзмітрыева пазбаўленнем волі на паўтара гады ў калоніі ва ўмовах агульнага рэжыму.
Намеснік прэм’ер-міністра не пажадаў «адказваць за мову»
Намеснік прэм’ер-міністра Рэспублікі Беларусь Анатоль Сівак правёў асабісты прыём грамадзян у Віцебску. Паводле гарадской газеты «Витьбичи», на прыём да яго запісаліся 5 чалавек, з якімі ён размаўляў некалькі гадзін. Але ніводнага пытання дзяржаўны чыноўнік так і не вырашыў. Затое адзначыў, што «усе пытанні былі цікавымі», але «мала адрозніваліся ад тых, што задаюць у іншых рэгіёнах».
Перарэгістравалі Рэспубліканскую партыю працы і справядлівасці, у якую ўваходзіла Эльвіра Мірсалімава
Праўда, заўзятая віцебская прыхільніца «русского мира» у апошнія гады гэты факт сваёй біяграфіі замоўчвае. У сацыяльных сетках можна сустрэць хіба згадкі пра тое, што яна – прадстаўніца прарасейскага руху «Гражданское согласие». Аднак інтэрнэт памятае ўсё: у тым ліку і тое, што ў 2019 г. Эльвіра Мірсалімава вылучалася ад Рэспубліканскай партыі працы і справядлівасці ў дэпутаты Парламента па Віцебскай-Чыгуначнай акрузе №19. І называла сябе намесніцай старшыні гэтай партыі па моладзевай палітыцы.
Кожны 12-цы жыхар Мёршчыны – беспрацоўны, сёлета праз Цэнтр занятасці ўладкавалі толькі 6 чалавек
Па выніках работы за 2022 год Мёршчыну ўлады аднеслі да тэрыторый з напружанай сітуацыяй на рынку працы. Нядаўна ў Мёрах прайшло пасяджэнне па садзейнічанні занятасці насельніцтва раёна.
Запраўка з біяпрыбіральнямі як астравок цывілізацыі і ФАП як месца адпачынку
Сайт браслаўскай раёнкі рэканструяваную нядаўна запраўку з усталяванымі біяпрыбіральнямі назваў астраўком цывілізацыі, а мясцовая чыноўніца ФАП у вёсцы Урбаны - і медустановай, і месцам адпачынку вяскоўцаў.